ورىس تەاترلارى قازاق كلاسسيكتەرىنە بەت بۇردى

استانا. قازاقپارات - اقمولا وبلىستىق تەاترىندا تاريحي تۇلعا «ابىلاي حان» تۋرالى قويىلىم تۇڭعىش رەت ورىس تىلىندە ساحنالاندى، دەپ حابارلادى kz.24.
None
None

قويىلىم رەجيسەرى - ق ر-نىڭ ەڭبەك سىڭىرگەن قايراتكەرى مۇراتبەك وسپانوۆ. ХVIII عاسىردىڭ مەملەكەتتىك قايراتكەرى، داڭقتى قولباسشى، ساياساتكەر ابىلاي حان ءومىرى قويىلىمنىڭ وزەگىنە اينالدى.

قويىلىمدا بالا ابىلايدىڭ ءۇش ءجۇزدىڭ باسىن قوسقان حان ابىلايعا دەيىنگى قيىن دا كۇردەلى جولى سۋرەتتەلەدى. ەلدىڭ ەركىندىگىن ساقتاۋ جولىنداعى ەرەن ەڭبەگى، انتالاعان جاۋدان حالىقتى امان الىپ شىققان ايلاكەرلىگى كورەرمەن قاۋىمدى بەيجاي قالدىرمادى.

- الدا قويعان جوسپار كوپ. سونىڭ ىشىندە شوقان ءۋاليحانوۆتىڭ مەرەي تويىنا ارناپ «شوقان» دەگەن شىعارمانى ساحنالاعىمىز كەلىپ وتىر. عابيت مۇسىرەپوۆتىڭ «ۇلپان» رومانى بويىنشا دا جۇمىس جاساماقپىز. بۇل، ورىس تەاترى بولعانىمەن، قازاق كلاسسيكتەرىنىڭ، قازاق دراماتۋرگتەرىنىڭ شىعارمالارىن رەپەرتۋارعا ارالاستىرۋىمىز كەرەك دەگەن ماقسات قويعاندىق، - دەدى وبلىستىق ورىس دراما تەاترى ديرەكتورىنىڭ مىندەتىن اتقارۋشى بەيبىت باقتىگەرەيەۆ.

سوڭعى جاڭالىقتار