رۋسلان « قازاقستان بارىسى» تۋرنيرىندە مەن كۇتكەن ءۇمىتتى اقتامادى - رۋسلان ءابدىرازاقوۆتىڭ باپكەرى سادىق مۇستافايەۆ

 استانا. قازاقپارات - « قازاقستان بارىسى-2014» تۋرنيرىنىڭ قولا جۇلدەگەرى رۋسلان ءابدىرازاقوۆتىڭ جەكە باپكەرى سادىق مۇستافايەۆ بىزگە بەرگەن سۇحباتىندا كۇتكەن ءۇمىتىمدى اقتامادى دەپ ءمالىم ەتتى.
None
None

- سادىق شوڭمۇرىن ۇلى جارتىلاي فينالعا دەيىن القىنباي   جەتكەن رۋسلان ءابدىرازاقوۆقا التىن بەلدىكتى يەلەنۋىنە نە كەدەرگى بولدى دەپ ەسەپتەيسىز ؟

- ول فينالعا دەيىن جەتىپ باس جۇلدەنى جەڭىپ الاتىن مۇمكىندىگى بولدى. مەن دە سونداي تالاپ پەن ماقسات قويعان بولاتىنمىن. ول سول تالاپ پەن ماقساتتى تولىق قاندى ورىندامادى. ايتەۋىر جۇلدەسىز قالعاننان جاقسى عوي دەگەن نيەتپەن ءوزىمدى- ءوزىم وتىرىك جۇباتىپ تۇرعان جايىم بار. رۋسلاننىڭ كۇشى قارسىلاستارىنا جەتىپ تۇردى. ءبىراق تاكتيكالىق، تەحنيكالىق جاقتان قاتەلىكتەرگە بوي الدىردى. ءسويتىپ قولىندا تۇرعان جەڭىستى ۋىسىنان شىعارىپ   الدى.


باپكەرى سادىق مۇستافايەۆ

كەيدە ءادىس جاسايتىن كەزدەر دە ءادىستى قولدانباي ۋاقىت سوزىپ ءجۇرىپ الدى. بۇل جارىس، بۇل باسەكە بولعان سوڭ ۋاقىتتى ۇتىمدى پايدالانۋ كەرەك. ءوزى از عانا ۋاقىتتا ءبىر ءمۇلت كەتسەڭ بولدى، ارى قاراي ەشتەڭە ءوندىرە المايسىڭ. دەگەنمەن مۇنداي جاعدايلار سپورتتا كەزدەسىپ تۇرادى. باپ پەن باقتىڭ قاتار كەلۋى دە ماڭىزدى. « جاڭىلمايتىن جاق، سۇرىنبەيتىن تۇياق بولمايدى» دەيدى عوي قازەكەم. ءومىردىڭ مۇنىمەن توقتاپ قالماسى انىق. الداعى سىنداردا كوزدەگەن نىساننان ءمۇلت كەتپەۋ ءۇشىن بارىمىزدى سالامىز.

- ۇلان رىسقۇل وسى رۋسلاننىڭ تۋعان   اعاسى ەكەنىن جاقسى بىلەمىز. العاشقى 2011 - جىلى تۇڭعىش « قازاقستان بارىسى» اتاندى دا، قايتىپ ەشقانداي ناتيجە كورسەتە المادى. ياعني، 2012-2013 - جىلدارى شيرەك فينالعا جەتپەي ءسۇرىندى. ال بيىل مۇلدەم قاتىسقان جوق. ۇلاننىڭ اتاعى ەسكىرىپ بارا جاتقان جوق پا؟

- اتاق ەشقاشان ەسكىرمەيدى. ول مۇلدەم كۇرەستى تاستاپ كەتسىن، اتاعى ونى تاستاپ كەتپەيدى. قازىردىڭ وزىندە ۇلان كەز- كەلگەن ءبىر جەرگە بارا قالسا، « بۇل باياعىداعى « تۇڭعىش بارىس» اتانعان بالا ەمەس پە، »،  - دەپ جاتادى. مىنە، اتاقتىڭ ەسكىرمەيتىندىگىنىڭ بەلگىسى.

- سوڭعى جىلدارى نەگە بوزكىلەمنەن كورىنبەي كەتتى؟

- ءار نارسەنىڭ ءوز ۋاقىتى بولادى. ءوز كەزىندە بەلدەستى. « تۇڭعىش بارىس» دەگەن اتاعىن الدى. ارينە، تاعى دا كۇرەسىپ، تاعى دا سول اتاققا جەتىپ جاتسا، ول ارتىقتىق قىلماس ەدى. كوردىڭىزدەر مە؟ جىل سايىن، ءبىر بالۋان « بارىس» اتانىپ جاتىر.  بۇل قازاق كۇرەسىنىڭ دامىپ كەلە جاتقاندىعىنىڭ بەلگىسى. بيىل ۇلان وبلىستىق ىرىكتەۋدەن بەسىنشى ورىن الىپ قالىپ، فينالعا بەرىلگەن جولدامادان قاعىلدى. وسىعان قاراپ وبلىسىمىزدىڭ ءوزىن دە قازاق كۇرەسىنە دەگەن باسەكەلەستىڭ كوشتى ەكەنىن اڭعارۋ قيىن ەمەس. ۇلاننىڭ جولىن قۋعان شاكىرتتەرى وزىنەن اسىپ ءتۇسىپ جاتىر.



- بيىلعى تورەلىككە جوعارى باعا بەرىپ جاتقاندار كوپ. ال ءسىزدىڭ ءادىلقازىلارعا كوڭىلىڭىز تولدى ما؟

- قانشا جەردەن ءادىل ءوتتى دەسەك تە، ءبىرلى- ەكىلى ۇساق قاتەلىكتەردىڭ ورىن الاتىنى انىق. مىسالى، رۋسلان ءتورت ايلا جاساعانىمەن، « قارسىلاسىنىڭ تىزەسى جەرگە تيگەن جوق» دەپ ەسەپتەمەدى. ءبىراق ەكىنشى بالۋانعا دا ەسكەرتۋ بەرىلمەدى.

- سوندا رۋسلانعا تورەشى دۇرىس شەشىم جاسامادى ما؟

- جوق، بۇنى كىشكەنتاي اعاتتىق دەپ ەسەپتەۋ كەرەك. مۇنداي اعاتتىقتار الەم چەمپيوناتتارىن دا دا، وليمپيادا ويىندارىندا دا ورىن   الىپ جاتادى. سوندىقتان « لاقتى ەشكىنىڭ داۋىن، بوتالى ىنگەنگە ساتۋعا بولمايدى» . جالپى جارىس ءادىل، تازا، ايعاي- شۋسىز ءوتتى. بىزگە كەرەگى وسى.

- ءوزىڭىز شاكىرتىڭىزگە قانداي تالاپ قويىپ ەدىڭىز؟

- مەن ەشقاشان تومەن تالاپ قويىپ كورگەن ەمەسپىن. قويعىم دا كەلمەيدى. مەن اركەز جەڭىس كۇتەمىن. قولىمنان كەلگەن جاقسىلىقتىڭ ءبارىن ۇيرەتۋگە تىرىسام. جوعارىدا اتاپ ءوتتىم عوي. رۋسلانعا بۇل ءۇشىنشى ورىن ۇلكەن جەتىستىك ەمەس. ول مەنىڭ تالابىمدى قاناعاتتاندىرمادى.

- بيىلعى دودا توسىن سىيلارعا تولى بولدى. جاڭا جەڭىمپاز بەن جۇلدەگەرلەردىڭ ەسىمى انىقتالدى. فاۆوريتتەر جارىس جولىنان ەرتە شىعىپ قالدى. بۇعان نە سەبەپ؟ الدە بۇعان دەيىنگى جەڭىمپازدار قارسىلاستارىن مەنسىنبەي شىقتى ما؟

- ءيا، مەنسىنبەۋشىلىك جاعى دا بار.   نەگىزى، بۇل جەردە وزىنە شەكتەن تىس سەنۋ بالۋانداردى ۇراعا    قۇلاتادى. وزىنە ءوزى مىقتى كورىنۋ سپورتتاعى ءوزىنىڭ ەڭ ۇلكەن دۇشپانى. مىنە، وسى ءوزىنىڭ دۇشپانى ءوزىن قارسىلاسىنا جىعىپ بەرەدى. سوندىقتان ەشقاشان ادام وزىنە ءوزى رازى بولماۋ كەرەك. اسىرەسە سپورتتا ءوزىڭدى كەرەمەت سانادىڭ، سول كۇنى، سول جەردە قارسىلاسىڭا ەسە جىبەرگەنىڭ.

- ءبىزدىڭ بالۋاندار وسى جەڭىستەرىنەن كەيىن، جاتتىعۋ زالدارىنان گورى توي- تومالاقتا، وتىرىس- جيىنداردا كوبىرەك جۇرەدى. ءبىز قۇرمەتتەۋدى شەكتەن اسىرىپ جىبەرىپ جاتقان جوقپىز با؟

- بۇل جوبانىڭ باستاۋ العانىنا از عانا ۋاقىت بولدى. ءتورت جىلدا شىققان ءتورت « بارىسىمىز» عانا بار. بۇلاردى ەركەلەتپەي كىمدەردى ەركەلەتەمىز. بۇل قازاق كۇرەسىنىڭ بولاشاعىنا جاسالىپ جاتقان ۇلكەن جوسپار. بۇگىنگى « بارىستاردى» وسىلاي سىيلاۋ، ماراپاتتاۋ، قۇرمەتتەۋ ارقىلى بولاشاق جاستاردى ءتول كۇرەسىمىزگە كوپتەپ تارتامىز. سول ارقىلى ۇلتتىق كۇرەسىمىزدى وليمپيادا ويىندارىنا ەنگىزىپ جاتساق بۇل بۇگىنگى ۇرپاقتىڭ ۇلت الدىنداعى وتەگەن پارىزى بولار ەدى. مەنىڭ ويىمشا ءدال قازىرگى تاڭدا وسىنداي قۇرمەت جاراسادى دەپ ەسەپتەيمىن.

- سوڭعى كەزدەرى « قازاقستان بارىسى» اتانعان بالۋانداردى تەلەديداردان ءجيى كورەتىن بولدىق.  بۇل ءبىر قاراعاندا ۇلتتىق   سپورتىمىزدى ناسيحاتتاپ جاتقان سياقتى كورىنەدى. ءبىز سول ارقىلى بالۋاندارىمىز جۇلدىز اۋرۋىنا شالدىقتىرىپ جاتقان جوقپىز با؟

- وليمپييادا چەمپيوندارى كوپ ەلدەردە سپورتتىق عۇمىرىن اياقتاعان سوڭ قارا جۇمىس ىستەپ نە جەكە سپورت كلۋبتارىندا جاتتىقتىرۋشى بولىپ قىزمەت ەتەدى. ياعني، كوپ جاعدايدا ولار قوعامعا اسا قاجەتسىز بولىپ قالدى. سپورتىمىز قارقىندى دامىعاندا مۇنداي جايتتان ءبىز دە اينالىپ وتە المايمىز. ال ازىرگە ەلىمىزدە وليمپ تۇعىرىن باعىندىرعاندار دا، بۇگىنگىدەي الاماندا توپ جارعانداردا دا ساۋساقپەن سانارلىق. سوندىقتان ولاردىڭ ۇلىقتالۋى زاڭدىلىق. حالىق ءوز باتىرلارىن كورگىسى، ەستىگىسى كەپ تۇرادى. « ەرىم دەيتىن ەل بولاماسا، ەلىم دەيتىن ەر   قايدان بولادى»، بۇل، ءوزىڭىز ايتقانداي، ۇلتتىق كۇرەسىمىزدى دامىتۋدا ۇلەسى وراسان. جارناما، ناسيحات ارقىلى ءتول سپورتىمىزدىڭ اۋقىمىن ۇلعايتۋعا مۇمكىندىك الامىز. ال ۋاقىتىن ورىندى جۇمساي ءبىلۋ، جاتتىعۋى مەن وزگە دە جۇمىستارىن ۇيلەستىرە ءبىلۋ ءار بالۋاننىڭ وزىنە   عانا بايلانىستى.

اۆتور: كۇنسۇلتان وتارباي

سوڭعى جاڭالىقتار