شەكارا اكادەمياسىندا جاس تۇلەك وفيتسەرلەردى شىعارىپ سالۋ ءراسىمى ءوتتى - فوتو

استانا. قازاقپارات - ق ر ۇلتتىق قاۋىپسىزدىك كوميتەتى شەكارا اكادەمياسىندا جاس تۇلەك وفيتسەرلەردى شىعارىپ سالۋ ءراسىمى بولىپ ءوتتى.
None
None

جاس وفيتسەرلەردى ق ر ۇلتتىق قاۋپسىزدىك كوميتەتىنىڭ ءتوراعاسىنىڭ ورىنباسارى - شەكارا قىزمەتىنىڭ ديرەكتورى گەنەرال- لەيتەنانت نۇرلان جولامانوۆ اكادەمياداعى وقۋلارىنىڭ اياقتالۋىمەن قۇتتىقتادى.

مەملەكەتتىك شەكارانى كۇزەتەتىن وفيتسەرلەردى دايىندايتىن وسى وقۋ ورداسىنىڭ تۇلەكتەرىنىڭ اراسىنان بولاشاقتا كومانديرلەر مەن گەنەرالداردىڭ شىعاتىندىعىنا سەنىم ءبىلدىردى.

- سەندەر وتانعا ادال قىزمەت ەتۋدىڭ، وفيتسەرلىك ار- نامىستىڭ ۇلگىسىن كورسەتۋلەرىڭ كەرەك، - دەپ اتاپ ءوتتى گەنەرال- لەيتەنانت نۇرلان جولامانوۆ.

 بيىلعى جىلى شەكارا قىزمەتىنىڭ وفيتسەرلىك قۇرامى 250 تۇلەكپەن تولىعاتىن بولادى، ولاردىڭ اراسىندا 14 لەيتەنانت اكادەميانى ۇزدىك باعامەن اياقتادى، ال استانا كۇنى قارساڭىندا مەملەكەتتىك شەكارا ساقشىلارىنىڭ بەسەۋى «لەيتەنانت» اسكەري شەنىن قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازاربايەۆتىڭ ءوز قولىنان الۋ قۇرمەتىنە يە بولىپ وتىر. جاس لەيتەنانتتاردىڭ 28  ىنىڭ تاياۋ شىعىس ەلدەرىنەن كەلۋى قازاقستان رەسپۋبليكاسىنىڭ حالىقارالىق ىنتىماقتاستىقتى نىعايتۋعا قوسىپ كەلە جاتقان ناقتى ءىسىنىڭ دالەلى بولىپ تابىلادى. سونداي- اق، 17 تىڭداۋشىنىڭ ءبىر جىلدىق كۋرستى بىتىرگەندىگىن دە اتاپ وتكەن ورىندى.

مەرەكەلىك ءىس- شارا ادەتتەگىشە جاس لەيتەنانتتاردىڭ وفيتسەرلىك ۆالس بيلەۋىمەن اشىلدى. ساپتىق جاتتىعۋلار وتەتىن الاڭدا تۇلەكتەردەن قۇرالعان 60 جۇپ دوڭگەلەنىپ بيگە شىقتى. ودان كەيىن 3- وقۋ ديۆيزيونىنىڭ كۋرسانتتارى قارۋ- جاراقتى قالاي مەڭگەرگەندىكتەرىن ءىس جۇزىندە كورسەتتى. ارينە، بۇگىنگى كۇننىڭ باستى تالابى - وقۋ بارىسىندا تاجىريبەگە مەيلىنشە زور كوڭىل ءبولۋ. سونىڭ ناتيجەسىندە شەكارا اكادەمياسىنىڭ بۇگىنگى تۇلەكتەرى قارۋ- جاراقتىڭ بارلىق ءتۇرىن مەڭگەرىپ وتىر، شەكارا ۆەدومستۆوسىنىڭ ساپىندا تۇرعان اسكەري جانە اۆتوموبيلدىك تەحنيكانىڭ بارلىعىن جۇرگىزە الادى، قىزمەتتىك يتتەرمەن جۇمىس ىستەۋ تاسىلدەرىن ۇيرەنگەن.

قوناقتار الدىندا تۇلەكتەر شەكارا بۇزۋشى ادامدى قويان- قولتىق ۇرىس تاسىلدەرىن قولدانا وتىرىپ قالاي ۇستايتىندىقتارىن كورسەتتى.

 شەكاراشى- وفيتسەرلەردى دايىندايتىن ق ر  ۇ ق ك شەكارا اكادەمياسى قازاقستان رەسپۋبليكاسىندا عانا ەمەس، سونىمەن قاتار ت م د ەلدەرى ءۇشىن دە بەدەلدى وقۋ ورداسى بولىپ تابىلادى، دەپ حابارلايدى ق ر  ۇ ق ك  ش ق باسپا ءسوز قىزمەتى.









سوڭعى جاڭالىقتار