ماماندار ەلوردالىقتارعا سۋبۇرقاقتارعا شومىلۋعا تىيىم سالۋدا

استانا. قازاقپارات - شىجىعان ىستىق استانالىقتاردىڭ مازاسىن قاشىردى.
None
None

سوڭعى ءبىر اپتادا اۋا تەمپەراتۋراسى 30-35 گرادۋسقا دەيىن كوتەرىلگەننەن بەرى قالا تۇرعىندارى وزەن-كولدى ەمەس، كوشەدەگى فونتانداردى جاعالاپ كەتكەن، دەپ حابارلايدى KTK تەلەارناسى.

اسىرەسە، بالا-شاعا قالا ورتاسىنداعى اشىق سۇربۇرقاقتارعا جاتىپ الىپ، قوعامدىق ورىندى شومىلاتىن مەكەنگە اينالدىرعان.

قالا اكىمدىگى سۋبۇرقاقتارعا تۇسۋشىلەرگە ايىپپۇل سالۋعا دا دارمەنسىز.

سەبەبى، زاڭدا مۇنداي ارەكەتكە بارعاندار ءۇشىن ەش جازا قاراستىرىلماعان. ەسكەرتۋ تاقتايشاسى ىلىنسە دە، استانالىقتار سۋ ىشىنەن شىعار ەمەس.

ماماندار سۋبۇرقاق سۋىنىڭ قۇرامى ايىنا ءبىر رەت ساراپتامادان ءوتىپ تۇراتىنىن ايتادى. قۇبىرلارى كۇندە تازارتىلعانىمەن، شومىلۋعا ارنالماعان ەكەن. الايدا اتا-انالار بالالارىن شومىلدىرۋعا اۋەس. ولاردىڭ فونتاندا تايىپ جىعىلىپ، ءتۇرلى جاراقات الۋ قاۋپى دە كوبەيىپ وتىر.

«سۋبۇرقاق سۋىنا شومىلۋعا بولمايدى. ويتكەنى سۋدىڭ ءيىسى شىعىپ، توت باسىپ، بالدىرلار ءوسىپ كەتپەس ءۇشىن وعان ءتۇرلى حيميالىق زاتتار قوسىلىپ وتىرادى. ال ول زاتتار ادام تەرىسىنە وتە قاۋىپتى»، - دەيدى ق ر تۇتىنۋشىلار قۇقىن قورعاۋ اگەنتتىگى، س ە ق د ديرەكتورىنىڭ ورىنباسارى مارال راقىمجانوۆا.

سوڭعى جاڭالىقتار