04:28, 29 - ماۋسىم 2014 | GMT +5
يران ءوزىنىڭ قارۋلى كۇشتەرىنىڭ سوعىسقا دايىندىعىن تەكسەردى
استانا. قازاقپارات- يراكتاعى جاعداي ۋشىعىپ تۇرعانى ءمالىم. وسىعان وراي، كورشىلەس جاتقان يران ءوزىنىڭ قارۋلى كۇشتەرىنىڭ سوعىسقا دايىندىعىن تەكسەردى.

جاياۋ اسكەر باسشىسى احماد ريزو پۋرداستان بولىمشە شوعىرلانعان جەرگە كەلىپ، ساربازداردىڭ حال- جاعدايىمەن تانىستى. ءوز كەزەگىندە يراكتا جاعداي شيەلەنىسىپ تۇر. كۇن سايىن جۇزدەن اسا ازامات اسكەر قاتارىن تولىقتىرىپ جاتىر.
ەلدىڭ پرەمەر- ءمينيستىرى نۋري ال- ماليكي ءوز ەركىمەن اسكەر قاتارىنا كەلگەن ءاربىر ازاماتقا اقشالاي سىيلىق تاعايىندايتىنىن جەتكىزدى. قولدارىنا قارۋ العان ەرلەردىڭ ايتۋىنشا، ولار قاراجات ءۇشىن ەمەس، ەل باسىنا كۇن تۋعان كەزدە قاراپ جاتپايتىندىقتارىن تانىتىپ، اسكەرگە جۇمىلۋدا.
«رەيتەرس» اقپاراتتىق اگەنتتىگىنىڭ مالىمەتىنە جۇگىنسەك، يراك قارۋلى كۇشتەرىنىڭ قاتارىندا سوعىساتىن ازاماتتار اي سايىن 644 ا ق ش دوللارى كولەمىندە سىياقى الادى.
سامات قاناعاتوۆ
«استانا» ارناسى