17:05, 27 - ماۋسىم 2014 | GMT +5
رەسەي راديوسىندا ن. نازاربايەۆتىڭ ءومىربايانى تۋرالى باعدارلاما ەفيرگە شىعادى
استانا. قازاقپارات - دۇيسەنبى، 30 - ماۋسىمنان باستاپ ق ر پرەزيدەنتى نۇرسۇلتان نازاربايەۆتىڭ جاڭا ءومىربايانى «رەسەي» راديوسىنىڭ» ەفيرىنە شىعاتىن بولادى.

بۇل تۋرالى بۇگىن استانادا ورتالىق كوممۋنيكاتسيالار قىزمەتىندە وتكەن بريفينگ بارىسىندا «رەسەي» راديوسى» مەملەكەتتىك راديو تاراتۋ كومپانياسىنىڭ ديرەكتورى «قازاقستان» رەسپۋبليكالىق تەلەراديو كەشەنى» ا ق جانىنداعى ديرەكتورلار كەڭەسىنىڭ ساراپتامالىق-كونسۋلتاتيۆتىك كەڭەس مۇشەسى ۆياچەسلاۆ ۋمانوۆسكي ءمالىم ەتتى.
ونىڭ سوزىنە قاراعاندا، «رەسەي راديوسى» «قازاقستان» ۇلتتىق ارناسىمەن بىرلەسە وتىرىپ، ەكى ءىرى جوبا اتقارۋدا. «بۇنىڭ ءبىرى - قازاقستان پرەزيدەنتى نۇرسۇلتان نازاربايەۆتىڭ كىتاپ جازبالارى. ال جاڭا، تولىقتىرىلعان ەلباسىنىڭ اۆتوبيوگرافياسى «رەسەي» راديوسىنىڭ» ەفيرىنە الداعى دۇيسەنبىدەن باستاپ شىعاتىن بولادى»، - دەدى ۆ. ۋمانوۆسكي.
ونىڭ سوزىنە قاراعاندا، اتالمىش جوبانى قازاقستاننىڭ راديو تىڭدارماندارى دا تىڭداي الادى.
اۆتور: قانات مامەتقازى ۇلى