الماتىدا «جۇلدىزدار وتباسى» جۋرنالىنىڭ رەداكتورىنا قاتىستى سوت وتىرىسى باستالدى

«2№ المالى اۋداندىق سوتىنىڭ سۋدياسى اسەت بورانبايەۆ ۇلى وتان سوعىس ارداگەرلەرى د. كەريمكۋلوۆ، ك. الدياروۆ، ا. نازاروۆ، م. تسەلۋيەۆا، پ. درانيشنيكوۆ، پ. پروتاسەنكو، ن. جوگوۆ، ي. شەربينين، ۆ. كاشەيەۆا، ۆ. يالوۆەگانىڭ ارىزىن قاراۋدا»، - دەدى قالالىق سوتتىڭ باسپا ءسوز حاتشىسى ق. ەشىمەت.
سوتقا بەرگەن شاعىمىندا ارداگەرلەر «وتباسى باسپاسى» ج ش س، جۇلدىزدار وتباسى. اڭىز ادام» جۋرنالىنىڭ باس رەداكتورى قالىباي جارىلقاپتىڭ كوپشىلىك الدىندا كەشىرىم سۇراۋىن ءارى ءمورالدىق زيان كەلتىرگەنى ءۇشىن ءارقايسىسىنا 5 ميلليون تەڭگە وتەم اقى تولەۋىن تالاپ ەتۋدە.
ازاماتتىق سوت ب ا ق وكىلدەرىنىڭ قاتىسۋىمەن وتۋدە. ازىرگە ايىپتاۋشى مەن جاۋاپكەر تاراپتار قانداي دا ءبىر تۇسىنىكتەمە بەرۋدەن باس تارتىپ وتىر.
ەستەرىڭىزگە سالا كەتەيىك، «جۇلدىزدار وتباسى - اڭىز ادام» جۋرنالىنىڭ وتكەن ايداعى سانى فاشيزمنىڭ كوسەمى ادولف گيتلەرگە ارنالعان ەدى. باسىلىمدا جاريالانعان «گيتلەر - فاشيست ەمەس» اتتى ماقالا كوپشىلىك قاۋىم، اسىرەسە ارداگەرلەر اراسىندا ۇلكەن نارازىلىق تۋدىرعان بولاتىن.