فۋتبول: مەكسيكادان جەڭىلىپ جاتقان نيدەرلاندى ساناۋلى مينۋتتاردا جەڭىسكە جەتتى

 استانا. قازاقپارات - بۇگىن برازيليادا فۋتبولدان الەم چەمپيوناتىنىڭ 1/8 فينالىندا جولدارى تۇيىسكەن مەكسيكا مەن نيدەرلاندى ءوزارا كىم مىقتى ەكەنىن انىقتادى.
None
None

  بۇل ماتچتا فاۆوريت دەپ تانىلعان نيدەرلاندى سەنساتسيالىق جاعدايدا ماتچ بويى مەكسيكالىقتارعا 0:1 ەسەبىمەن جول بەرىپ كەلە جاتقان بولاتىن.

 دجوۆانني دوس سانتوس 48 - مينۋتتا گوللانديالىقتاردىڭ قاقپاسىنا گول سالعان- تىن.

 نيدەرلاندىقتار وقتىن- وقتىن شابۋىلعا شىعىپ وتىرعانىمەن، مەكسيكا قۇراماسىنىڭ قاقپاشىسى وچوا بار قاۋىپتىڭ بەتىن ءساتتى الىپ وتىردى. دەگەنمەن سوڭعى مينۋتتار قالعاندا ءبىرىنشى ۋەسلي سنەيدەر، كەيىن پەنالتيدەن حۋنتەلاار ەسەپتى 2:1 گە جەتكىزدى.

وسىلايشا نيدەرلاندى 1/4 فينالعا ءوتتى.



ال الەم چەمپيوناتىنىڭ 1/8 فينالىندا وتكەن كوستا- ريكا- گرەكيا ماتچى پەنالتي سەرياسىندا 1:1 (5:3) ەسەبىمەن وڭتۇستىك امەريكالىقتاردىڭ پايداسىنا شەشىلدى.

ويىننىڭ 52- مينۋتىندا برايان رۋيس كوستاريكالىقتاردى العا شىعارعان بولاتىن.

الايدا كوستاريكالىق قورعاۋشى وسكار دۋارتە 66- مينۋتتا ەكىنشى سارى قاعاز الىپ، الاڭنان قۋىلدى. وسى ءساتتى پايدالانىپ، گرەكتەر قارسىلاستار قاقپاسىنا شابۋىلداردى ۇدەتە ءتۇستى جانە بۇل ەڭبەكتەرى 90+1 مينۋتتا اقتالدى. سوكراتيس پاپاستاتوپۋلوس شابۋىلداردىڭ بىرىندە ەسەپتى 1:1-گە جەتكىزىپ، ويىندى وۆەرتايمعا ويىستىردى.

 دەگەنمەن جەڭىمپاز ول سىندا دا انىقتالمادى. پەنالتيلەر سەرياسىندا قارسىلاستار الما- كەزەك دوپ تەپكەن. بۇندا كوستا- ريكا قاقپاشىسى ناۆاس ءبىر پەنالتيدى قايتارىپ، كومانداسىنا جەڭىس اكەلدى.

ەندى كوستا- ريكا قۇراماسى 5 - شىلدە كۇنى شيرەك فينالدا نيدەرلاندىمەن كەزدەسەتىن بولادى.



سوڭعى جاڭالىقتار