سىر وڭىرىندە تۇڭعىش ەشكى فەرماسى اشىلدى

قىزىلوردا. قازاقپارات - سىرداريا اۋدانى، بەسارىق ەلدى مەكەنىنىڭ تۇرعىنا 26 جاستاعى كاسىپكەر قانات مۇحيموۆ سىر وڭىرىندە العاش بولىپ ەشكى فەرماسىن اشتى.
None
None

ەلدەن ەرەك ءىس باستاعان ول ەشكى ءسۇتىن ءوندىرۋ ارقىلى قاتەرلى ىسىك جانە قانت ديابەتىنە شالدىققان ناۋقاستارعا كومەك كورسەتكىسى كەلەدى.

«شاعىن جانە ورتا بيزنەس - جالپىعا ورتاق ەڭبەك قوعامىنىڭ بەرىك ەكونوميكالىق نەگىزى. ەلباسى نۇرسۇلتان نازاربايەۆ قازاقستاندا بيزنەس بەلسەندىلىگىن ارتتىرۋعا باعىتتالعان ءبىرقاتار باعدارلامانىڭ جۇزەگە اسۋىنا باستاماشى بولدى. وسىنداي مەملەكەتتىك قولداۋدىڭ ارقاسىندا جاڭا كاسىپ اشۋعا بەل بايلادىم»، - دەيدى جاس كاسىپكەر قانات مۇحيموۆ. بۇگىندە ول شەتەلدەن اسىل تۇقىمدى 30 باس ەشكى اكەلىپ، جەرسىندىرۋگە كىرىسىپ كەتتى.

قانات مۇحيموۆ، كاسىپكەر: «بۇل - زاانەنسكي تۇقىمى. بۇلار نەگىزىنەن رەسەيدەن شىققان. نەگىزى ءبىز بىلتىر 30 ەشكى اكەلگەنبىز. ال لاقتارى قازىر جەرگىلىكتى مال بولدى. كۇنىنە 15 ليتر ءسۇت الىنادى. ول حالىققا بەرىلەدى، كەيدە ءتيىمدى باعامەن ۇيلەرىنە دە جەتكىزىپ بەرەمىز. ناۋقاس كىسىلەرگە كومەك ەسەبىندە بەرەمىز».

قانات مۇحيموۆتىڭ ماماندىعى - ەكونوميست. الايدا ول قارجىگەر بولمادىم دەپ قىنجىلمايدى. اۋىلدا اتا كاسىپتى قولعا الىپ، ەلباسى ايتقانداي ۇرپاقتان-ۇرپاققا مۇرا ەتەر ءداستۇرلى بيزنەستىڭ نەگىزىن قالاۋعا تالپىنىپ كورمەك. مەملەكەت ءبىزدى قولدادى، ءبىز حالىقتىڭ يگىلىگى جولىندا تەر توگۋگە ءتيىسپىز. بۇل - جىگەرلى جاستىڭ ومىرلىك ۇستانىمى.

اۆتور: ەلۋباي اۋەزوۆ

سوڭعى جاڭالىقتار