ۇرىمجىدە «جىبەك جولى ەكونوميكالىق بەلدەۋى» حالىقارالىق جينالىسى اشىلدى

ءۇرىمجى. قازاقپارات - ق ح ر-دىڭ شىڭجاڭ-ۇيعىر اۆتونوميالىق ولكەسىنىڭ اكىمشىلىك ورتالىعى - ۇرىمجىدە «جىبەك جولى ەكونوميكالىق بەلدەۋى» حالىقارالىق سيمپوزيۋمى اشىلدى.

سيمپوزيۋمگە الەمنىڭ 23 ەلىنەن، سونىڭ ىشىندە قازاقستاننان، قىتايدان، قىرعىزستاننان، رەسەيدەن، وزبەكستاننان، تاجىكستاننان، گەرمانيادان جانە ا ق ش-تان جۇزدەن استام عىلىمي ساراپشىلار، جەتەكشى ب ا ق پەن بيزنەس ورتاسىنىڭ وكىلدەرى قاتىسۋدا.

فورۋمدى ش ۇ ا ءو پارتكوم حاتشىسى جاڭ چۋنشيان اشتى، ول ءوز سوزىندە شىڭجاڭ وسى جوبانىڭ ارقاسىندا ءىرى كولىك-لوگيستيكالىق، قارجىلىق، ءبىلىم بەرۋ ورتالىعىنا اينالاتىنىنا سەندىردى. مۇناي، گاز جانە كومىر ءوندىرۋ مەن تاسىمالداۋدىڭ ءىرى ەنەرگەتيكالىق بازاسى وزگەرۋدە.

جىبەك جولى ەكونوميكالىق بەلدەۋى 3 ميلليارد ادام تۇراتىن 40 ەلدى قامتيدى جانە ازيا-تىنىق مۇحيت اۋدانىن ەۋروپامەن جالعايدى.

ق ح ر كوممەرتسيا ءمينيسترىنىڭ ورىنباسارى جۋن شان جىبەك جولىنىڭ ەكونوميكالىق قۇرىلىمدارىنا قوسىلاتىن ەلدەر ءوزارا ءبىر-ءبىرىن تولىقتىرادى جانە ءوزارا ءتيىمدى ىنتىماقتاستىققا نەگىز قالايدى، دەپ سەنىممەن اتاپ ءوتتى.

«جىبەك جولى ەكونوميكالىق بەلدەۋىن» مەملەكەتتەر باسشىلارى نۇرسۇلتان نازاربايەۆ پەن شي جينپيڭ قولداۋدا. بۇدان 2 مىڭ جىلدان استام ۋاقىت بۇرىن قىتاي اۋلەتىنىڭ ەلشىسى حان قازاقستانعا دوستىق جانە بەيبتشىلىك ميسسياسىمەن ەكى رەت كەلدى. بۇل ساپارلار شىعىستان باتىسقا جانە ازيادان ەۋروپاعا قاراي قىتايدىڭ ورتالىق ازيامەن دوستىق بايلانىستارىنىڭ كەڭەيۋىنە ىقپال ەتتى»، دەپ اتاپ كورسەتتى «قازاقپارات» حالىقارالىق اقپارات اگەنتتىگى باس ديرەكتورىنىڭ ورىنباسارى قالامقاس ءابۋوۆا.

«ءبىزدىڭ مىندەتىمىز بۇقارالىق اقپارات قۇرالى رەتىندە ەكى ەل حالىقتارىنىڭ جاڭا تەحنولوگيالارمەن تانىسۋىنا بارلىق كۇش-جىگەر مەن مۇمكىندىكتى جۇمساۋ. بۇل ءۇشىن «قازاقپارات» ح ا ا-دا «جىبەك جولى» ايدارى اشىلدى، ول ءبىزدىڭ وقىرماندارىمىز تاراپىنان كەڭىنەن تانىمالدىققا يە بولىپ كەلەدى»، - دەدى ق. ءابۋوۆا.

ش ۇ ا ءو-نىڭ ءۇرىمجى قالاسىندا 26-27 - ماۋسىم كۇندەرى ءوتىپ جاتقان حالىقارالىق سيمپوزيۋمدى ق ح ر مەملەكەتتىك كەڭەسىنىڭ باسپا ءسوز كەڭسەسى ۇيىمداستىردى.