قازاق كينوسى «سىرعالىم» سەريالىنىڭ جالعاسى شىعادى

بۇل تۋرالى الماتىدا «مەلومان» دۇكەنىندە وتكەن ارنايى باسپا ءسوز وتىرىسىندا مالىمدەلدى، دەپ حابارلايدى kinostan.kz.
تەلە حيكايانىڭ وندىرىسىمەن اينالىسقان «كوركەم فيلم» كينو كومپانياسىنىڭ پروديۋسەرى يلحوم جاليلوۆتىڭ ايتۋىنشا، جوبا بارىسىندا قازاق ءتىلىنىڭ تازالىعىنا ەرەكشە كوڭىل بولىنگەن: «ارينە، ءبىزدىڭ سەريال قازاق ءتىلىن بىلەتىن كورەرمەندەرگە ارنالعان. ءبىز ءوزىمىزدىڭ كەيىپكەرلەر ارقىلى قازاق تىلىندە قالاي دۇرىس جانە ادەمى سويلەۋدى كورسەتەمىز. ءتۇسىرۋ الاڭىندا لينگۆيست جۇمىس ىستەيدى، ول اكتەرلەردىڭ دۇرىس سويلەۋىن قاداعالايدى. ءبىزدىڭ تاپسىرىسشىمىز - «قازاقستان» تەلەارناسى قازاق ءتىلىنىڭ قولدانىلۋىنا باسا ءمان بەرەدى، بۇنى ءبىز قولدايمىز»، - دەدى پروديۋسەر.
ءبىرىنشى ماۋسىم ورىس تىلىنە اۋدارىلىپتى. اۋدارىلعان نۇسقاسى تەلەارنادان قايتالانىپ كورسەتىلەدى.
ەسكە سالا كەتەلىك، العاشقى ماۋسىمدا اكەسىنىڭ قالاداعى دوسىنىڭ شاڭىراعىنا اۋىلدان كەلگەن قىز تۋرالى باياندالعان بولاتىن. ەكىنشىسىندە وسى سىرعالىمنىڭ ۇلكەن قالاداعى ەڭبەك جولى كورسەتىلمەك.
38 سەريادان تۇراتىن «سىرعالىم 2» ەفيرگە ءبىرىنشى ماۋسىمنىڭ ورىس تىلىندەگى نۇسقاسى كورسەتىلىپ بولعاننان كەيىن شىعادى.