الەۋمەتتىك جەلىدەگى قۇپيا نومەرىن ۇمىتىپ كەتكەن ۇرى قولعا ءتۇستى

كومپيۋتەرىن پايدالانباق بولعان ۆۋد ۇرىنىڭ ودان Facebook-قا كىرىپ، لوگينىن ءوشىرۋدى ۇمىتىپ كەتكەنىن كورەدى. ءسويتىپ تونالۋشى ءۇيىن Nicholas Dub لاقاپ ەسىمدى پايدالانعان نيكولاس ۆيگ دەگەن بەلگىسىز بىرەۋ «تازارتىپ» كەتكەنىن بىلەدى.
ۆۋد عالامتورداعى ءوز پاراقشاسىندا ۆيگانىڭ سۋرەتىن جاريالاپ، تانىستارىنا ونىڭ قاۋىپتى ەكەنىن ەسكەرتىپ، كۇدىكتى جايىندا قانداي دا ءبىر مالىمەت بىلەتىندەر بولسا، تەلەفونىنا حابارلاسۋلارىن وتىنەدى. الايدا وعان ۇرىنىڭ ءوزى قوڭىراۋ شالعان.
كوپ ويلانباي ۆۋد ونى كەزدەسۋگە شاقىرادى، ول ۇرىنىڭ قىلمىس ساتىندە ۇمىت قالدىرىپ كەتكەن زاتتارىن قايتارماقشى بولادى. الايدا ودان سەكەمدەنىپ، جەيمس پوليتسيا قىزمەتكەرلەرىن شاقىرادى.
2009 - جىلى وسىعان ۇقساس جاعداي پەنسيلۆانيادا بولدى. گاۋھار جۇزىكتى ۇرلاعان ەر ادام قىلمىس ورنىنان ءىزىن سۋىتقان كەزدە Facebook-تاعى پاراقشاسىنان شىعۋدى ۇمىتىپ كەتكەن. ال 2014 - جىلى ناۋرىزدا جورجي ۋنيۆەرسيتەتىنىڭ ستۋدەنتى Facebook-ىن تەكسەرۋ ماقساتىندا عانا بوگدە بىرەۋدىڭ ۇيىنە ۇرلانىپ كىرگەن.