يران شەتەل بانكتەرىندە بۇعاۋدا بولعان قارجىلارىن شىعارىپ الا باستادى

اگەنتتىك ءتىلشىسىنىڭ ايتۋىنشا، جۋىردا يران يسلام رەسپۋبليكاسى وزدەرىنىڭ شەتەل بانكتەرىندە بۇعاۋدا بولعان بانك ەسەپشوتتارىنداعى قارجىلارىنىڭ نەگىزگى بولىگىن الادى.
شەتەلدىك بانكتەردەگى قارجى تەگەرانعا قارسى ەكونوميكالىق سانكسيالار كەزىندە بۇعاتتالعان- دى. سەيسەنبىدە يران يسلام رەسپۋبليكاسى ىشكى ساياسات ۆەدومستۆوسى باسشىسىنىڭ ورىنباسارى اببوس اراكچي، جالپى كولەمى 4 ميلليارد 2 ميلليون دوللاردى قۇرايتىن وسى اكتيۆتەردىڭ التىنشى جانە جەتىنشى بولىگى ءۇندىستاننان يرانعا اۋدارىلادى دەپ حابارلادى.
بۇل وتكەن جىلدىڭ قاراشاسىندا يران بيلىگى مەن حالىقارالىق دەلدالدىق «التىلىقتىڭ» يرانداعى يادرولىق باعدارلاما بويىنشا جاساسقان كەلىسىمىنەن كەيىن مۇمكىن بولا باستادى. يران سىرتقى ىستەر ءمينيسترىنىڭ ورىنباسارى: «اۋدارىمداردى الۋ ءۇردىسى جۇيەلى تۇردە جۇرۋدە جانە تولەمدەر جاقىن ارادا ىسكە اسادى» ، - دەدى.