وتاندىق سپورتشىلاردى مەملەكەتتىك ءانۇراندى جاتقا بىلۋگە مىندەتتەيتىن زاڭ قابىلداندى

استانا. قازاقپارات - قازاقستاندىق سپورتشىلاردىڭ مەملەكەتتىك ءانۇراندى جاتقا ءبىلۋى زاڭمەن مىندەتتەلدى. پارلامەنت سەناتى «دەنە شىنىقتىرۋ جانە سپورت تۋرالى»  زاڭ جوباسىن قابىلدادى.   

  جاڭا قۇجات بويىنشا قازاقستان اتىنان حالىقارالىق جارىستاردا ونەر كورسەتەتىن سپورتشىلار ءانۇران ءسوزىن مىندەتتى تۇردە ءبىلۋى ءتيىس.

سونداي- اق، جاڭا زاڭ بيۋدجەتتىك كودەكسكە دە وزگەرىستەر ەنگىزدى. وعان سايكەس وليمپيادا جانە پاراوليمپيادا (مۇگەدەكتەر) جەڭىمپازدارىنا ءومىر بويى اي سايىنعى تولەماقى تاعايىندالىپ، باسپانامەن قامتاماسىز ەتۋ ماسەلەلەرى رەتتەلەدى.  

جاڭا زاڭعا ساي، وليمپيادا چەمپيوندارى مەن كۇمىس، قولا مەدال العان  جۇلدەگەرلەرگە اي سايىن 45 مىڭ تەڭگەدەن زەينەتاقى تاعايىندالماق.

دەپۋتاتتار الدىندا جاڭا زاڭ جوباسىن تانىستىرعان سپورت جانە دەنە شىنىقتىرۋ اگەنتتىگىنىڭ ءتوراعاسى تاستانبەك ەسەنتايەۆ مۇنداي قولداۋ الەمنىڭ ءبىر دە ءبىر مەملەكەتىندە جوق دەپ  ماقتاندى. سونداي- اق ەندىگى جەردە بايراقتى باسەكەدەن التىن العان سپورتشىعا 3, كۇمىسكە 2, ال قولاعا 1 بولمەلى پاتەر بەرىلمەك.

جاڭا قۇجات زاڭ رەتىندە سەناتتا ماقۇلدانىپ، ەلباسى قاراۋىنا جىبەرىلدى.