مىسىر پرەزيدەنتى جالاقىسىنىڭ جارتىسىنان باس تارتتى

استانا. قازاقپارات - مىسىردىڭ جاڭا سايلانعان بيلىگى ۇنەمدەۋگە كىرىستى. ەڭ ءبىرىنشى بولىپ ەل باسشىسى ابدۋل- فاتتاح حاليل اس- سيسيدىڭ ءوزى ۇلگى كورسەتۋگە بەل بۋعان سىندى.
None
None

 پرەزيدەنتكە تيەسىلى دۇنيەنىڭ تەڭ جارتىسىنان باس تارتقان جاڭا باسشى ءتىپتى جالاقىسىنىڭ ءبىر بولىگىن مەملەكەت پايداسىنا اۋدارىپ وتىراتىن بولدى.

بۇل تۋرالى اس- سيسي كايردە اسكەري اكادەميا تۇلەكتەرىنىڭ الدىندا سويلەگەن سوزىندە ايتتى. شىعىندى ازايتۋدىڭ ءبىرىنشى قادامى رەتىندە ول 34 كولىكتەن تۇراتىن پرەزيدەنت كورتەجىن 5 اۆتوكولىككە دەيىن قىسقارتتى.   

  مەملەكەت باسشىسىنىڭ جالاقىسىنا كەلەتىن بولساق، ۋاقىتشا پرەزيدەنت ادلي مانسۇر ءوز تۇسىندا ەڭبەك اقىسىن 300 دوللاردان 6000 دوللارعا كوتەرگەن بولاتىن. وسىلايشا اس- سيسيدىڭ قالتاسىنا ەندى 3000 دوللار قاراجات تۇسەدى.   

  سوڭعى بىرنەشە جىلدا ءوسىم كورمەگەن مىسىر ەكونوميكاسىنىڭ قازىرگى جاعدايى كوڭىل كونشىتپەيدى. وسىعان وراي ابدۋل فاتتاح 2014-2015 - جىلدارعا ارنالعان بيۋدجەت جوباسىن ماقۇلداۋدان باس تارتتى. ونىڭ سوزىنشە، جوبا سىرتقى ينۆەستيتسيالارعا تاۋەلدى جانە ونىڭ قابىلدانۋى ىشكى قارىزدىڭ 285 ميلليارد دوللارعا دەيىن جەتۋىنە الىپ كەلەدى.
   
  ەلدىڭ باستى تابىس كوزى سانالاتىن تۋريزم سالاسى ەلدەگى ساياسي تۇراقسىزدىقتان مەملەكەت قازىناسىنا تابىس تۇسىرۋدەن قالعان. ءوز ومىرلەرىنە الاڭداۋشىلىق تانىتقان كوپتەگەن ساياحاتشىلار كايرگە بارۋدان باس تارتىپ وتىر.  
  ازامات الدوڭعاروۆ 

سوڭعى جاڭالىقتار