جول ساقشىسىنان قاشقان ەر ادام باسىنان ايىرىلدى
- دەپ حابارلايدى Tengrinews.kz ءتىلشىسى.
توتەنشە وقيعا ساعات 10.00 شاماسىندا ميحايلوۆكا ىقشاماۋدانىندا بولدى. جول- پاترۋل قىزمەتىنىڭ ەكيپاجى جىلدامدىعىن اسىرعان Suzuki Vitara اۆتوكولىگىنىڭ ىزىنە تۇسكەن. «سوڭىنا تۇسكەن پوليسەيلەردەن قاشقان اۆتوكولىك جۇرگىزۋشىسى رۋلگە يە بولا الماي قالىپ، جولدىڭ جيەگىنە اۋدارىلدى. ەر ادامنىڭ باسى جۇلىنىپ قالدى»، - دەپ حابارلادى قاراعاندى وبلىستىق اكىمشىلىك پوليسيا باسقارماسىنىڭ جول- پاترۋل پولكى كەزەكشى ءبولىمىنىڭ وكىلدەرى.
پوليسيانىڭ مالىمەتىنشە، اۆتوكولىك ەكى رەت اۋدارىلعان. جول- كولىك وقيعاسى كەزىندە جۇرگىزۋشى سالوننان ۇشىپ كەتتى. ول تاسقا سوعىلىپ، باسىنان ايىرىلدى. بۇل وقىس وقيعا بويىنشا تەرگەۋ الدى تەكسەرىس جۇرگىزىلدى. جۇرگىزۋشىنىڭ اتى-ءجونى انىقتالىپ جاتىر. ەسكە سالا كەتەيىك، 2012- جىلى وسكەمەندە جاياۋلار جولىنان ءوتىپ بارا جاتقان ادامدى جۇك كولىگى قاعىپ كەتكەن ەدى. كولىك سوقىسى ەر ادامنىڭ باسىن جۇلىپ كەتكەن بولاتىن.
