ارمان اعا ىزدەۋ سالعان تۋكا تابىلدى

استانا.قازاقپارات - بۇگىن facebook.com الەۋمەتتىك جەلىسىندە ارمان سقابىل ۇلى ءوزىنىڭ ىنىلەرىندەي بولىپ كەتكەن ارمان دۇيسەنوۆ پەن «تۋكاعا» «ىزدەۋ سالامىن» دەپ پوست جازعان ەدى.
None
None

 «حاباردىڭ» مۋزىكالىق باعدارلامالارىنىڭ ءبىرى جابىلىپ، ءبىرى جەكە قولعا وتكەنى سول ەدى سانسىز «جۇلدىزدارمەن» بىرگە ارمان مەن تۋكا دا جوعالىپ كەتتى. امان با ەكەن، وزدەرى ايتەۋىر؟ «كوكەلەگەندە» كوزىمە جاس كەلەتىن «تۋكانىڭ» ءۇنسىز كەتكەنى ءتىپتى قيىن بولدى. «اعالاعاندا» اۋزىمداعىنى جىرىپ بەرە سالاتىن ارمان ءىنىمدى دە ۋايىمداپ ءبىتتىم. وزدەرىن جاماندىققا قيعىم كەلمەيدى. «مۇمكىن «ەدينيتسالارى»  (تەلەفون اقشاسى) بولماي جۇرگەن شىعار» دەپ تە جۇباتىپ قويامىن كەيدە ءوزىمدى. بۇلارعا ەندى ىزدەۋ سالماسام بولماس. امان بولساڭدار ەڭ بولماسا «ماياكوۆات» ەتىپ قويىڭدارشى! ءوزىم- اق قايتا تەلەفون سوعايىن.. . قىسقاسى، ىزدەۋ جاريالايمىن!» دەپ جازعان ارمان اعانىڭ پوستىنان كەيىن «الاش ايناسى» دا تۋكا مەن ارمانعا ىزدەۋ جاريالادى.

 حالىق اراسىندا «تۋكا» اتانىپ كەتكەن نۇرجان تولەنديەۆتىڭ بىرنەشە نومىرىنە قوڭىراۋ شالىپ، ارەڭ دەگەندە تۋكانى تاپتىق- اۋ ايتەۋىر. تەلەفونىمنىڭ ار جاعىنان تۋكانىڭ «اللوۋ» دەگەن داۋىسىن ەستىگەندە قۋانعانىم- اي!!!

- اللو، نۇرجان اعا، امانسىز با، بارسىز با؟

 -  بارمىن، قارىنداسىم- اۋ، نە بوپ قالدى؟

- سىزگە ارمان سقابىل ۇلى دەگەن اعاڭىز «فەيسبۋكتە» ىزدەۋ سالىپ، حابارلاسپاي كەتتى عوي دەپ الاڭداۋشىلىق ءبىلدىرىپ جاتقاندىقتان، ءبىز دە ءسىزدىڭ اماندىعىڭىزدى بىلەيىكشى، تىنىشىتىق پا دەپ حابارلاسىپ جاتقانىمىز عوي.. .

- تىنىشتىق، سول شىمكەنت ىستىق، ۇيدەن شىقپاي جاتىرمىز، ورازاعا دايىندالىپ. مەن ارمان اعاما ۇنەمى حابارلاسىپ تۇرام. سوڭعى كەزدە عانا «حابارداعىلار» جان- جاققا تاراپ كەتكەنەن كەيىن ءبىراز بايلانىسىمىز ءۇزىلىپ قالدى. مەن ارمان اعامدى قاتتى جاقسى كورەم عوي، مەنەن سالەم ايتىڭىزدار. ءوزىم دە بۇگىن حابارلاسپاسام.. . مەنى ىزدەيتىن اعالارىمنىڭ بارى قانداي جاقسى. ءاي، ارمان اعام- اي، مەن بارمىن، شۇكىر امانمىن!

- ارمان اعاعا حابارلاساتىن «ەدينيتساڭىز» بار ما؟

- بار، بار، قازىر حابارلاسامىن.. . (راحاتتانىپ كۇلىپ الدى)

 سونىمەن تۋكامەن تىلدەسىپ، كوڭىلىمىز ورنىنا ءتۇستى. ارمان اعاسىنىڭ سۇيىكتى ءىنىسى، حالقىن كۇلكىگە قىران- توپان ەتەتىن تۋكانىڭ اماندىعىنا قۋاندىق.

 ال ەندى ارمان اعانىڭ تاعى ءبىر اقكوڭىل ءىنىسى ارمان دۇيسەنوۆتى تابۋ قيىن بولىپ تۇر. ارمان دۇيسەنوۆتىڭ تەلەفون نومىرلەرىن جان- جاقتان ىزدەستىرىپ، 5 نومىر تاپتىق. ەڭ قىزىعى، ەشقايسىسى جاۋاپ بەرمەيدى، كەيبىرى ءسوندىرۋلى، ەندى بىرەۋلەرى مۇلدە تىركەلمەگەن نومىرلەر. سوعان قاراعاندا ارمان سقابىل ۇلىنىڭ ارمان ءىنىسىن ىزدەۋى تەگىن ەمەس- اۋ؟

قايداسىز، ارمان، امانسىز با؟ ! ءوزى قايدا جۇرسە دە، ونەردەگى ىنىلەرىن ىزدەپ، امان- ساۋلىعىن تىلەپ جۇرەتىن ارمان سقابىل ۇلى سىزگە «ەدينيتسا» سالىپ بەرگەنشە كۇتىپ جۇرە بەرمەي، ەڭ بولماسا «ماياك» تاستاپ قويساڭىزشى. ايتپەسە، حالقى ونەرىن سيلاپ كوككە كوتەرەتىن ءسىز سەكىلدى ازاماتتاردىڭ «كوزدەن كەتكەن سوڭ، كوڭىلدەن دە كەتەدى» دەپ اعالارىن ۇمىتىپ كەتكەنى جاراماس.

 اۆتور: اينۇر سەنبايەۆا 

سوڭعى جاڭالىقتار