قازاقستاندىقتار قازاق ءتىلىن كوبەيتۋ كەستەسىندەي بىلەتىن بولادى - رەسەي فيلولوگى

بۇل تۋرالى بۇگىن استانادا وتكەن باسپا ءسوز ءماسليحاتىندا رەسەيلىك فيلولوگ عالىم الەكساندر دراگۋنكين ايتتى.
«قىركۇيەك ايىندا مەن استانادا دراگۋنكين ورتالىعىن اشپاقپىن. وندا قازاق ءتىلىن ۇيرەنگىسى كەلەتىندەر ءوزىم جاساپ شىعارعان جاڭا ادىستەمە بويىنشا ءتىلدى از عانا ۋاقىت ىشىندە ۇيرەنۋگە مۇمكىندىك الادى. مەنىڭ ادىستەمەم وڭاي ءارى قايتالانباس جاڭاشىلدىعىمەن ەرەكشەلەنەدى. نەگىزى قازاق ءتىلى جەڭىل ءتىل. دەگەنمەن ونىڭ دا ءوز قيىندىقتارى بار. مەن سول قيىندىقتاردى وڭاي ەڭسەرۋدىڭ جولىن تاپتىم جانە ادىستەمەمدى سونىڭ نەگىزىندە قۇردىم»، - دەدى ول.
ايتا كەتەيىك، بۇرىن ا. دراگۋنكين اعىلشىن جانە قىتاي تىلدەرىن ۇيرەنۋ ادىستەمەلەرىن جاساپ، ولار كوپشىلىكتىڭ قىزىعۋشىلىعىنا يە بولعان. ولاردى قازىر الەمنىڭ 28 ەلىندە پايدالانادى.
الەكساندر دراگۋنكيننىڭ وسى سالاداعى تاجىريبەسى 16 جىلعا جۋىق. بۇل ۋاقىت ارالىعىندا ول 30 شاقتى كىتاپ جازىپ، 10 مىڭنان استام ادامنىڭ قولداۋىن تاپقان.
ايتا كەتەيىك، عالىمنىڭ ءوزى ازىرگە قازاقشا بىلمەيدى. دەگەنمەن ول قازاق ءتىلىن ۇيرەنۋگە دەگەن قۇلشىنىسى بار ەكەنىن جاسىرمادى.