قىرعىزستان جامبىل حالقىن تاعى سۋدان تارىقتىرىپ جاتىر

تىرشىلىك ءنارىنىڭ بولماۋىنان ەندى ەگىس القاپتارى قۋراپ كەتۋدىڭ از- اق الدىندا تۇر. ماسەلە جۋىق ارادا شەشىلمەسە، شارۋا قوجالىقتارى قىرۋار شىعىنعا باتقالى وتىر.
70 كە شۋىق شارۋانى سۋمەن قامتيتىن جالعىز ارنا قازىر قاڭسىپ تۇر. تامشى سۋ اقپاعالى بىرنەشە جىلدىڭ ءجۇزى بولعان. اعىن سۋدىڭ ادەتتەگى ازابىن بىلە تۇرا، تۇرعىندار بيىل دا تاۋەكەل دەپ، ءدان سەۋىپتى. ءبىراق، ۇمىتتەرى اقتالمادى. ەندى ەتكەن ەڭبەك پەن توككەن تەردىڭ زايا كەتەتىن ءتۇرى بار.
نازار نايزاقارايەۆ، شارۋا قوجالىعىنىڭ باسشىسى:
- بۇل جەردە ءبىرىنشى جىل ەمەس، 3-4 جىل وسىداي. مەندە 31 گەكتار بار بۇل جەردە. بىلتىر جۇگەرىنى مۇلدەم تاستادىم، ەكى گەكتاردى. ال بيىل بەدە سەپتىم ونى دا سۋ بولماسا تاستاۋعا تۋرا كەلەدى. قالعان 20 گەكتار بەدە دە قۇرعاپ تۇر.
شارۋالاردىڭ باسىم بولىگى جۇگەرى مەن جوڭىشقا ەككەن. جۇگەرى كوگەرمەي سولىپ جاتسا، ەكىنشىسى وراققا دا ىلىنبەي جاتىر. بەكەن قارتانبايەۆ «سىباعا» باعدارلاماسى بويىنشا 250 باس اسىل تۇقىمدى مال وسىرۋدە. الايدا بيىلعى قىستا ولار قىرىلىپ قالا ما دەپ قاۋىپتەنەدى. ويتكەنى قۋاڭشىلىق كەسىرىنەن مال ازىعىن دا جيناي الار ەمەس.
شارۋالار جىل باسىندا اقىسىن تولەپ قويسا دا، سۋعا ءالى قول جەتكىزە الماي وتىر. بۇعان ايىرقالپاقتى اعايىنداردى ايىپتاۋدا. ايتۋلارىنشا، كورشى قىرعىز ەلىنەن اعىپ كەلەتىن سۋ دەڭگەيى ءۇش ەسەگە ازايىپ كەتكەن.
شارۋالاردىڭ شۋىنان كەيىن قىرعىزدار سۋدى جارتىلاي جىبەرە باستاعان. وبلىس اكىمىنىڭ ءوزى بۇگىن ولارمەن كەلىسسوزگە وتىرىپتى. الايدا ماسەلەنىڭ قانشالىقتى شەشىم تاباتىنى بەيمالىم.
«KTK» ارناسى