ۇيالى تەلەفون ارقىلى ادام اعزاسىنداعى جاسىرىن باكتەريالىق ينفەكتسيانى انىقتاۋعا بولادى

باكتەريالاردىڭ 80 پايىزى تەلەفون ەكرانىندا قالاتىن ميكرواعزالاردان تارالادى، دەپ جازادى BBC.
ناق وسى تەلەفون ءتارىزدى جەكە زاتتارا ارقىلى باكتەريالاردىڭ تارالۋىن باقىلاۋعا بولادى. عالىمداردىڭ ەسەبىنە سايكەس، ادام قالتا تەلەفونىن كۇنىنە ورتا ەسەپپەن 150 رەت قولىنا الادى.
ادام دەنەسىنەن تابىلعان جانە تەلەفون ەكرانىنان انىقتالعان اعزالار اراسىندا سايكەستىك بار، دەيدى ورەگونا ۋنيۆەرسيتەتىنىڭ قىزمەتكەرلەرى. ولار 17 ادامنىڭ سۇق ساۋساعى مەن باس بارماعىنان انىقتالعان ميكروبتاردىڭ د ن ك-سىن سارالاعان. سونداي-اق زەرتتەۋگە قاتىسۋشىلاردىڭ تەلەفوندارىنىڭ بەتكى بولىگىنەن جۇعىندى الىنعان.
بارلىعى 51 ۇلگىدەن عالىمدار 7000 ءتۇرلى باكتەريالاردى تاپقان. ساۋساقتار مەن تەلەفونداعى باكتەريالاردىڭ ورتا ەسەپپەن 22 پايىزى سايكەس كەلگەن. ياعني تەلەفون يەسىنىڭ قولىنان انىقتالعان كەڭىنەن تارالعان باكتەريالاردىڭ شامامەن 82 پايىزى ونىڭ تەلەفونىنان دا تابىلعان. ولاردىڭ قاتارىندا Streptococcus, Staphylococcus جانە Corynebacterium تەكتى باكتەريالار بولعان.