12:04, 26 - ماۋسىم 2014 | GMT +6
ەۋرازيالىق ەكونوميكالىق وداق قىتاي مۇددەسىنە قايشى ەمەس
استانا. قازاقپارات - قىتاي ەۋرازيالىق ەكونوميكالىق وداقتى ءوز مۇددەسىنە قايشى ۇيىم دەپ ەسەپتەمەيدى.
IX شانحاي ىنتىماقتاستىق ۇيىمىنىڭ فورۋمىندا رەسەي سىرتقى ىستەر مينيسترلىگى ديپلوماتيالىق اكادەمياسىنىڭ پرورەكتورى الەكساندر لۋكين وسىلاي دەپ مالىمدەدى.
بۇل تۋرالى News-CA حابارلادى.
الەكساندر لۋكين: «قازاقستان، رەسەي جانە بەلارۋس مەملەكەتتەرىنىڭ ەۋرازيالىق ينتەگراتسياسىن قىتاي جاعى ءوز مۇددەسىنە قايشى ەمەس دەپ ەسەپتەيدى. كەرىسىنشە ولار ءۇش ەلدىڭ بىرلەستىگىن وزدەرى ءۇشىن پايدالى كورەدى»، - دەدى.
سونداي-اق، رەسەي سىرتقى ىستەر مينيسترلىگى ديپلوماتيالىق اكادەمياسىنىڭ پرورەكتورى قىتاي تاراپى جىبەك جولى ەكونوميكالىق بەلدەۋى جوباسىنا شانحاي ىنتىماقتاستىق ۇيىمىنا قاتىسۋشى بارلىق مەملەكەتتەر اتسالىسۋى ءتيىس دەگەن كوزقاراستى ۇستانىپ وتىرعانىن جەتكىزدى.
"ەگەمەن قازاقستان"
