اۋىلداسىن ات قۇيرىعىنا بايلاپ ءولتىردى

استانا.قازاقپارات - اقمولادا ادام ايتسا نانعىسىز وقيعا ورىن الدى. ەرتەرەكتە جاۋگەرشىلىك زاماندا جاۋلارىن ات قۇيرىعىنا بايلاپ سايىن دالاعا سۇيرەتىپ ءجۇرىپ ولتىرگەندەر تۋرالى ەستىگەنبىز.
None
None

 سول «ءداستۇر» بۇگىنگىدەي بەيبىت كۇندە دە جالعاسىپ وتىر. اتالعان «ءداستۇر» اقكول اۋدانىندا قايتا جالعاسىن تاۋىپتى.

اراققا سىلقيا تويىپ العان ەكى جىگىت كۇندىز كەرلىسىپ قالعان اۋىلداسىنان ءوشىن الماق بولادى. ۇيىنە ءتۇن جارىمىندا كەلگەن ەكى جىگىت اۋىلداسىن شىعا بەرە بىردەن تارپا باس سالىپ قايىس قامشىمەن سابالاي جونەلەدى. بەت-اۋزى كوك-الا قويداي بولىپ، ابدەن قانسىراعان جىگىت ەسىنەن اۋىپ قۇلاپ تۇسەدى. قانىشەر جىگىتتەردىڭ ءبىرى قاسىنداعى جىگىتتى ۇيىنەن بايلاۋداعى اتى مەن ارقان الىپ كەلۋگە جۇمسايدى.

اۋىلداسىنىڭ موينىنان قىل ارقاننان تۇزاق قىلىپ سالعان جىگىتتەر ارقاننىڭ ەكىنشى ءۇشىن اتتىڭ قۇيرىعىنا بايلاپ قامشىمەن ساۋىرىنان سوعىپ قالادى. ۇرىككەن جىلقى بەتى اۋعان جاققا شاۋىپ بايعۇس جىگىتتى ودان ءارى سۇيرەتە جونەلەدى. وقيعا ورنىندا جابىرلەنۋشى جىگىت بىردەن كوز جۇمادى.

جاۋىزدىقپەن ادام ولتىرگەن قوس قانىشەر جىگىتتەر اقمولا وبلىسىنىڭ قىلمىستىق ىستەر جونىندەگى اۋدان ارالىق سوتىنىڭ ۇكىمىمەن جازا كەسىلدى. قىلمىستىق ءىستى باستاۋشى 27 جاسار جىگىت 14 جىلعا باس بوستاندىعىنان ايىرىلسا، قاسىنداعى سەرىگى 10 جىلعا قاتاڭ مەرزىمدەگى كولونيادا جازاسىن وتەيتىن بولدى.

اۆتور: ابزال الپىسباي ۇلى، اقمولا وبلىسى

«الاش ايناسى» 

سوڭعى جاڭالىقتار