سولتۇستىك كورەيا بيلىگى: كيم چەن ىن تۋرالى كومەديا ەكرانعا شىقسا، ا ق ش-قا سوعىس جاريالايمىز

جاقىندا كورسەتىلە باستايتىن «سۇحبات» اتتى جاڭا كومەديا كورەيا بيلىگىنىڭ شامىنا ءتيدى، دەپ جازادى BBC.
ءتىپتى سولتۇستىك كورەيا س ءى م وكىلى ەگەر بۇل فيلم ەكرانعا شىقسا، ءبىز سوعىس جاريالايمىز دەپ ەسكەرتتى.
«جوعارى باسشىلىققا شابۋىل جاساۋ تۋرالى فيلمنىڭ شىعارىلۋى مەن كورسەتىلۋى - بۇل تەررور مەن سوعىستىڭ جاۋاپكەرشىلىكسىز اكتىسى. ەگەر امەريكاندىق اكىمشىلىك بۇل فيلمدى شىعارسا، ءبىزدىڭ تاراپتان اياۋسىز كونترشارالار قولدانىلادى ، - دەپ كەلتىرەدى BBC سولتۇستىك كورەيانىڭ س ءى م-نىڭ مالىمدەمەسىنەن.
سيۋجەت بويىنشا ا ق ش-تىڭ ەكى ءتىلشىسى سولتۇستىك كورەياعا باس حاتشىمەن كەزدەسۋگە بارادى. شىن مانىسىندە ولارعا كيم چەن ىندى ءولتىرۋ تاپسىرماسى بەرىلگەن ەدى.
سولتۇستىك كورەيا بيلىگى اتالعان فيلمدى تۇسىرگەندەردى قاتتى سىنعا الدى. ولار ونى «تەرروريزم اكتىسى» دەپ اتاپ، فيلمنىڭ اينالىمعا شىقپاۋى ءۇشىن بارلىق شارانى قولعا الۋعا ۋادە ەتتى.
ايتا كەتەيىك، تاياۋدا كيم چەن ىن «Glorious Leader!» كومپيۋتەرلىك ويىنىنىڭ كەيىپكەرىنە اينالدى. وندا باس حاتشى پحەنيان كوشەلەرىندە وتتى جالعىز مۇيىزبەن شاۋىپ، امەريكاندىقتاردى ءولتىرۋى كەرەك.
ءاربىر دەڭگەيدە «بوسس» بار. سولاردىڭ بىرىندە كيم چەن ىنعا الىپ روبوتقا اينالعان بوستاندىق ءمۇسىنىن جەڭۋ مىندەتى تۇر. سولتۇستىك كورەيا كوشباسشىسىنىڭ وداقتاسى بار، ول - امەريكاندىق باسكەتبولشى دەننيس رودمان.