اكە مەن بالا ءبىر-ءبىرىن كورمەي ومىردەن ءوتتى

 استانا. قازاقپارات - كەشەگى ۇلى وتان سوعىسىندا قان مايدانعا اتتانىپ، تۋعان جەرگە قايتپاي قالعان 1 بوزداقتىڭ ءبىرى راتاي دارىنبايەۆ ەدى. 1920 - جىلى جاقاش اۋىلىندا دۇنيەگە كەلگەن ول العاشقى كولحوزشىلاردىڭ ءبىرى بولدى.
None
None

 اۋىلدان اشىلعان العاشقى جەتى جىلدىق مەكتەپتە ءبىلىم الىپ، ساۋاتىن اشادى. فرۋنزە ۇجىمىنا مۇشە بولىپ كىرىپ، شارۋاشىلىقتىڭ سان-سالالى جۇمىسىنا بەلسەنە ارالاسادى. تەپسە تەمىر ۇزەتىن، كوزى اشىق، كوكىرەگى وياۋ جاس اۋدان جاستارىنىڭ اراسىندا العاشقى كومسومول بەلسەندىلەرىنىڭ ءبىرى بولادى. اسپەت اتتى ارۋمەن باس قوسىپ، ۇلكەن ارمانداردىڭ جەتەگىندە ءومىر ءسۇرىپ جاتقان جاس راتاي باقىتتى جاستىڭ ءبىرى ەدى. الايدا، بۇرق ەتە قالعان سوعىس ەسىل جاستىڭ ارمانىن قيىپ تۇسكەندەي بولدى. العاشقىلاردىڭ ءبىرى بولىپ وتاندى قورعاۋعا مايدان دالاسىنا اتتاندى.

ول 1- بەلارۋسسيا مايدانىندا بارلاۋشى بولىپ ۇرىسقا كىرەدى. قۇداي قوسقان قوساعى اسپەتتىڭ اياعى اۋىر ەدى. كوپ ۇزاماي ومىرگە ماڭدايى تورسىقتاي ۇل كەلدى. قان مايداندا جۇرگەن ءراتايعا تىلەكتەس بولسىن دەگەن ىرىممەن جاس ءسابي تىلەۋلەس اتاندى. اسپەت 1944- جىلعا دەيىن ءراتايدان حات الىپ تۇرعان. ول سارعايعان حاتتار ءالى كۇنگە ساقتاۋلى. وندا راتايدىڭ جالعىز ۇلى تىلەۋلەسىنىڭ اماندىعىن ساقتاپ، قورعاۋىن سۇراعانى جازىلىپتى. امان- ەسەن ورالۋعا ۋادەسىن دە بەرگەن. ەندى بۇل تىلەك سول كەزدەگى قاي ساربازدىڭ ارمانى بولمادى. ءبارى بىردەي جاۋدى جەڭىپ، وتانىنا ورالعىسى كەلدى. الايدا، 70 جىلدان بەرى باتىر راتايدان ەش دەرەك جوق. سۇيەگى قاي جەردە قالعانى بەلگىسىز. ارتىندا قالعان جالعىز تۇياعى تىلەۋلەس تە ەر جەتىپ، وتباسىلى بولىپ، ۇلكەن شاڭىراققا اينالدى. ءتورت نەمەرە كورىپ، 61 جاسىندا باقيلىققا اتتاندى. ءومىرىنىڭ سوڭىنا دەيىن اكەسىن ءبىر كورۋگە زار بولىپ، ارماندا كەتتى. سوعىستىڭ زاردابى وسىلاي ەدى.

 

ەسىركەپ سەرىكباي ۇلى،

بايزاق اۋدانىنىڭ قۇرمەتتى ازاماتى.

akjolgazet.kz

سوڭعى جاڭالىقتار