شىعىس قازاقستاننىڭ اتاقتى ونىمدەرى قىتايعا جونەلتىلدى

وسكەمەننەن قىتايعا اتتانعان 80 ادامنان قۇرالعان كەرۋەن جارمەڭكەگە 30 توننا بال، 500 ليتر كۇنباعىس مايىن، 200 كەلى ماكارون ونىمدەرىن الىپ باردى.
سونىمەن قاتار، جارمەڭكەگە وسكەمەندىك سۋرەتشىلەردىڭ مايلى بوياۋمەن جازىلعان 80 شاقتى كارتيناسى مەن ۇلتتىق اسپاپتار جونەلتىلدى. ۇيىمداستىرۋشىلار جارمەڭكەدە ونىمدەر مەن دومبىرالار ساتىلىپ كەتەتىنە سەنىمدى.
شىعىس قازاقستان وبلىسى مەن شىنجاڭ ۇيعىر اۆتونوميالىق اۋدانى ساۋدا-ساتتىقپەن قاتار، ءبىلىم، رۋحانيات، مادەنيەت سالاسىندا دا تىعىز قارىم-قاتىناستا. بىرلەسىپ جاساعان حالىقارالىق جوبالارى دا بار.
اتاپ وتەرلىگى، اۋقىمدى شارانى وتكىزۋگە ەكى ايماق تا قىزىعۋشىلىق تانىتۋدا. كورشىلەس ەل مۇنداي شارانى اي سايىن وتكىزۋدى جوسپارلاپ وتىر. وبلىستىق تۋريزم جانە سىرتقى بايلانىس باسقارماسى شىلدە ايىندا جارمەڭكە وتكىزۋگە دايىندىق جۇمىستارىن باستاپ تا كەتتى. جوسپارداعى جارمەڭكە لياو تاو قالاسىندا وتەدى.