قىتايلىق قانداسىمىز حالىقارالىق «التىن قۇلىن» بايگەسىنىڭ باس جۇلدەسىن جەڭىپ الدى

استانا. قازاقپارات  - كەشە استانا قالاسىندا بالاپان تەلەارناسىنىڭ ۇيىمداستىرۋىمەن تۇڭعىش رەت «التىن قۇلىن» حالىقارالىق جاس جىرشىلار بايقاۋىنىڭ جەڭىمپازدارى انىقتالدى.
None
None

وعان وسىعان دەيىن ەلىمىزدىڭ بارلىق ايماقتارىنان جانە الىس-جاقىن شەتەلدەردەن جاس ونەرپازدار ىرىكتەۋدەن وتكەن بولاتىن.

فينالدىق باسەكەگە ءار وبلىستان سۇرىنبەي جەتكەن جەتكىنشەكتەرمەن قاتار قىتايدان كەلگەن قانداسىمىز قۋانىش ەلەۋسىز ۇلى قاتىسقان بولاتىن. ناتيجەسىندە قانداسىمىز قۋانىش باس جۇلدەنى جەڭىپ الدى.

بايقاۋعا ەكى جاس ەرەكشەلىگىنە قاراي ەكى توپقا، ناقتىراق ايتساق، «كىشى توپ 7-11 جاس ارالىعى» جانە «ۇلكەن توپ، 12-14 جاس ارالىعى» ورەندەر اراسىندا ءوتتى. قۋانىش ەلەۋسىز ۇلى ۇلكەن توپتا ونەر كورسەتكەن بولاتىن. ال، بايقاۋعا جالپى قازاقستان رەسپۋبليكاسىنان 12 بالا، قىتاي حالىق رەسپۋبليكاسىنان 2 بالا، موڭعوليا مەملەكەتىنەن 2 بالا، قىرعىزستان رەسپۋبليكاسىنان 2 بالا،  
 رەسەي فەدەراتسياسىنان 2 بالا، وزبەكستان رەسپۋبليكاسىنان 2 بالا بارلىعى 22 بالا باق سىنادى.

12-14 جاس بويىنشا جەڭىمپازى اتانعان قانداسىمىز 12 داستان مەن 1000 عا جۋىق جىر شۋماعىن جاتقا ايتادى ەكەن.

 قاتىسۋشىلار فينالدىق باسەكەدە «الپامىس باتىر» مەن «قىز جىبەك» جىرى بويىنشا سىنعا ءتۇستى. ونىڭ سىرتىندا وزگە دە جىر-داستانداردى جاتقا وقىدى.

 قازىلار قاي قىرىنان باعالاسا دا سۇرىنبەگەن قانداسىمىز ءبىر اۋىزدان جەڭىسكە لايىق دەپ تانىلدى.



اۆتور: كۇنسۇلتان وتارباي ۇلى

سۋرەتتى تۇسىرگەن: عابيت ماداليەۆ

سوڭعى جاڭالىقتار