ءتورت ءجۇز جىلدىق تاريحى بار قۇران تابىلدى

ولاردىڭ ارعىسى 400 جىلدان بەرى قاراي كەلە جاتسا، بەرگىسى 19 - عاسىر تۋىندىسى ەكەن.
وسى تۇرعىدا حابارلاعان "يسلام دليا ۆسەح" ولاردىڭ اراب جانە پارسى تىلدەرىن جازىلعانىن ايتادى، دەپ حابارلادى muslim.kz سايتى.
ساديا دجاۆەد وتباسىنا تيەسىلى قاسيەتتى قۇراننىڭ شاعىن قولجازبا نۇسقالارى وتە باعالى دەسەدى. ونىڭ ىشىندە التىنمەن اپتالىپ، كۇمىسپەن كۇپتەلگەن، قىمبات تاستارمەن، جاقۇتپەن كومكەرىلگەن قۇران دا بار. شامامەن 2х3,5 س م بولاتىن ەكى كىشكەنە قۇران قىمبات تاستارمەن اشەكەيلەنگەن.
كوللەكسيا اراسىنداعى ەڭ كوزگە تۇسەتىن قۇران كولەمى ءبىر ەلىدەن اسپايتىن التىنمەن ويۋلانىپ، 13-عاسىرداعى دەلي سۇلتاناتىنا ءتان كالليگرافيامەن جازىلعان قۇران. ەندى ءبىرى ارابشا-پارسىشا نۇسقا. ول 250 جىل بۇرىن جارىققا شىققان ەكەن. بۇدان بولەك اتالعان وتباسى اراب، پارسى تىلىندەگى ەسكى قولجازبالارعا باي بولىپ شىققان. ساراپشى-زەرتتەۋشىلەر پىكىرىنە جۇگىنسەك، بۇل دۇنيەلەر الەمنىڭ مەن دەگەن مۇراجايىنىڭ اتاعىنا اتاق ۇستەيتىن قۇندىلىقتار.