قاراعاندى وبلىسىنىڭ اكىمى قىتاي جانە ب ا ءا-نىڭ ينۆەستورلارىمەن كەزدەستى

قىتايلىق ەنەرگەتيكالىق كومپانيانىڭ وكىلدەرىمەن بۇقار جىراۋ اۋدانىندا ورنالاسقان «كۋزنەتسك» رازەزىندە كومىر وڭدەۋدەگى كەشەندى جوبا تالقىلاندى.
كومىردى وڭدەۋ كەشەنىنىڭ قۇرىلىسى كەلەر جىلى باستالماق. جوبا ىسكە قوسىلعاندا 1,5 مىڭ ادامعا جۇمىس ورنى اشىلادى. ال ب ا ءا- دەن كەلگەن ماماندارمەن «سارى ارقا» ارنايى ەكونوميكالىق ايماعىن دامىتۋ باعىتىندا كەلىسىمگە قول قويىلدى.
بۇل قۇجاتتىڭ باستى ماقساتى - قاراعاندىلىق ارنايى ەكونوميكالىق ايماعىن باسقاراتىن كاسىپورىن قۇرىپ، ينۆەستيتسيا تارتۋ. اراب ەلى ءوزىنىڭ ەكونوميكالىق ايماعىن 25 جىلدان بەرى دامىتىپ كەلەدى. قازىرگى تاڭدا «ادجمان» ايماعىندا 10 مىڭنان استام كومپانيا جۇمىس ىستەيدى.
ماحمۋد ال-حاشەمي، «ادجمان» ارنايى ەكونوميكالىق ايماقتىڭ باس ديرەكتورى:
- مەن ەكى ەل اراسىنداعى ارىپتەستىكتى دامىتا الاتىندىعىمىزعا سەنىم ارتامىن. قازىر وسى ايماققا كەلىپ، ينۆەستور جانە باسقارۋشى كومپانيا رەتىندە جۇمىس ىستەۋ جولدارىن شەشىپ جاتىرمىن.
24.kz