قىتايدىڭ ءۇرىمجى قالاسىندا قازاقپارات اگەنتتىگىنىڭ تانىستىرىلىمى ءوتتى

 استانا. قازاقپارات - بۇگىن قىتايدىڭ ءۇرىمجى قالاسىندا قازاقپارات اگەنتتىگى سايتىنىڭ تانىستىرىلىمى ءوتتى. بۇل تۋرال قىتايدىڭ «ءتاڭىرتاۋ» سايتى حابارلادى. بۇل قىتاي مەن قازاقستان اراسىنداعى اقپاراتتىق بايلانىستى نىعايتۋداعى ماڭىزدى شارالاردىڭ ءبىرى.  

 ءىس شاراعا قازاقپارات اگەنتتىگى  باس ديرەكتوردىڭ شىعارماشىلىق جونىندەگى ورىنباسارى ءابۋوۆا قالامقاس اسكەر قىزى، قازاقپارات اگەنتتىگىنىڭ قىتايداعى ءتىلشىسى رۋسلان سۇلەيمەنوۆ، شىنجاڭ ينتەرنەت اقپارات ورتالىعىنىڭ مەڭگەرۋشىسى، شىنجاڭ ءتاڭىرتاۋ سايتىنىڭ باس رەداكتورى جۋ جيان حۋا باستاعان ەكى جاق وكىلدەرى قازاقستاننىڭ ۇرىمجىدەگى كونسۋلدىك قىزمەتىنىڭ وكىلدەرى، ۇرىمجىدەگى شەتەلدىك وقۋشىلار وكىلى، سونداي- اق، شىنجاڭداعى نەگىزگى اقپارات ورىندارى، ايتالىق، شىنجاڭ تەلەاراناسى، شىنجاڭ ەكونوميكا گازەتى، ءتاڭىرتاۋ سايتىنىڭ تىلشىلەرى قاتىستى.

 تانىستىرىلىم بارىسىندا  قالامقاس اسكەر قىزى،  «مەديالىق قۇرىلىم بولعانىمىز ءۇشىن، ءبىزدىڭ مىندەتىمىز بارلىق مۇمكىندىكتەر مەن امالداردى قولدانا وتىرىپ، قىتاي مەن قازاقستان حالقىنا جاڭا تەحنيكا، ساياحات كورىنىس ورىندارى، سونداي- اق، ساۋدا نىساندارىن تانىستىرامىز.  جىبەك جولى بويىنداعى ەلدەردىڭ اۋىس- ءتۇيىسىن تەرەڭدەتۋ ءۇشىن، قازاقپارات اگەنتتىگى «جىبەك جولى» ارناۋلى ايدارئن اشىپ، وقىرمانداردىڭ ىستىق ىقىلاسىنا بولەندى. وقىرمانداردىڭ قاجەتىنەن شىعۋ ءۇشىن، سايتتاعى قىزىقتى جاڭالىقتاردى ۇزدىكسىز جاڭارتىپ وتىردى. بۇل اقپارات اگەنتتىگى ارقىلى تەزدەن تارالىپ، ءتىپتى دە كوپ وقىرماندى باۋرادى. سوندىقتان، مەن قىتاي جاقتىڭ قازاقپاراتپەن ءوزارا تيىمدىلىك جاساۋ نەگىزىندە سەلبەستىك جاساسۋىن، سايتىمىزدا قىتاي تىلىندەگى اقپاراتتاردان يگئلئكتةنئپ ، قىتاي مەن قازاقستاننىڭ ەكونوميكالىق سەلبەستىك جوسپارىن مەديالار ارقىلى ىلگەرلەتەيىك» ، -  دەگەن ۇسىنىس تاستادى.

ال شىنجاڭ ينتەرنەت اقپار ورتالىعىنىڭ مەڭگەرۋشىسى، ءتاڭىرتاۋ تورابىنىڭ باس رەداكتورى جۋ جيان حۋا بىلاي دەدى: «جىبەك جولى ەكونوميكالىق بەلدەۋىنىڭ قىزمەت وتەۋ تەكشەسىن قۇرۋ تالابىنا ساي، ءتاڭىرتاۋ تورابى جىبەك جولى بويىنداعى ەلدەردىڭ توراپ مەديالارىمەن بولعان سەلبەستىگىن كۇشەيتىپ، بيىل سايت بەتىن جاڭالاعان سوڭ، «جىبەك جولى حابارلارى» ايدارىن اشىپ، «جىبەك جولى ەكونوميكالىق بەلدەۋى» بويىنداعى قالالاردىڭ ساياسي، مادەنيەت، قوعام، ەكونوميكا جاقتارىنداعى دامۋدى كوتەردى. 2013 -جىلى 23 قازاندا، ءتاڭىرتاۋ سايتى قازاقپاراتپەن سەلبەستىك كەلىسىمىنە قول قويىپ، بىرلىكتە سەلبەستىك قاتىناس ورناتىپ ، شىنجاڭدى تياناق ەتىپ، ەل ءىشى- سىرتىنداعى ارىپتەستەرگە قىزمەت وتەپ، ەكونوميكا، مادەنيەت، ساياحات، ساۋدا جاڭالىقتار، اۋىس- ءتۇيىسىن كۇشەيتىپ، سايت كەڭىستىگىندە جىبەك جولى بويىنداعى ەلدەر ارا مادەنيەت اۋىس- كۇيىس سەلبەستىگىنە ۇلەسىن قوستى» ، - دەپ اتاپ ءوتتى.

 قازاقپارات اگەنتىگىنىڭ قىتاي تىلىندەگى سايت بەتى قوعام، ساياسي، ەكونوميكا، مادەنيەت، سپورت سياقتى ايدارلار اشىپ، قىتايلىق وقىرمانداردىڭ قاجەتىنە ساي قازاقستاننىڭ جاعدايىن تانىستىرىپ، سونداي- اق، ءتۇرلى جاڭالىقتارمەن قامداپ كەلەدى. مەملەكەتتىك باستى اقپارات اگەنتتىگى بولعاندىقتان، قازاقپارات بۇدان بۇرىن قازاق، ورىس، اعىلشىن، توتە جازۋ تىلدەرىندە سايت بەتىن اشقان. بۇگىندە قازاقپارات اگەنتتىگىندە جالپى 150 دەن استام قىزمەتكەر بار. ەلىمىزدىڭ بارلىق وڭىرلەرىنەن تىس، بەيجىڭ، باكۋ، تاشكەنت، برۋسسەل، ستامبۋل، موسكۆا سىندى 7 ءىرى قالادا تىلشىلەر قوسىنى جۇمىس ىستەپ كەلەدى.