استانا شەشىنە باستادى

تالتۇستە كوشەدە جالعىز دامبالمەن جۇگىرىپ جۇرگەن ادام اۋداندىق ىشكى ىستەر باسقارماسىنا جەتكىزىلدى.
"جەدەل باسقارۋ ورتالىعىنىڭ بەينەباقىلاۋ قوندىرعىسىنا كوشەنىڭ كولىك جۇرەتىن بولىگىندە ءبىر ىشكيىمى عانا بار جالاڭاش ادامنىڭ جۇگىرىپ جانە اۆتوكولىكتەردى تەۋىپ جۇرگەنى ىلىكتى.
وقيعا ورنىنا كەلگەن پوليتسەيلەر 26 جاستاعى ەر ادامدى ۇستادى.
مەديتسينالىق كۋالاندىرۋدىڭ قورىتىندىسىنا قاراعاندا، ول ۇستالعان كەزدە ماس بولماعان"، - دەيدى استانا قالاسى ءى ءى د باسپا ءسوز قىزمەتىنىڭ جەتەكشىسى سوفيا قىلىشبەكوۆا.
جالاڭاش ەر ادامنىڭ ارەكەتىنەن ءبىر اۆتوكولىككە زاقىم كەلدى. ءبىراق ازىرشە كولىك يەسى پوليتسياعا شاعىمدانا قويماعان. كۋاگەرلەر تۇسىرگەن فوتوسۋرەتتەرگە قاراعاندا، جالاڭاش ادام كولىكتەردىڭ ۇستىنە دە شىققان.
ىشكى ىستەر دەپارتامەنتى باسپا ءسوز قىزمەتىنىڭ مالىمەتىنشە، قازىر ەر ادام اۋداندىق ىشكى ىستەر باسقارماسىندا وتىر، پسيحونيەۆرولوگيالىق ديسپانسەر دارىگەرلەرى ونىڭ اقىل-ەسىنىڭ دۇرىس-بۇرىستىعىن تەكسەرمەك.