شۇعىل: كاركۋلانى ولتىرگەن تۇرعىن ءومىر بويعى جازاعا كەسىلدى - باتىس قازاقستان وبلىسى

ورال. قازاقپارات - بۇگىن ب ق و قىلمىستىق ىستەر جونىندەگى مامانداندىرىلعان اۋدانارالىق سوتىندا باتىس قازاقستاندىق كاسىپكەر ۆيتالي كاركۋلانى ولتىرگەندەرگە قاتىستى ۇكىم شىعارىلدى.
None
None

سوت ءتورايىمى اقگۇل قاراسايەۆانىڭ ءمالىم ەتكەنىندەي، وسى قاندى وقيعانى ۇيىمداستىرعان ازامات توعايەۆ ءومىر بويعى جازاعا كەسىلسە، ونىڭ سىبايلاستارى مەرگەن يمانقۇلوۆ پەن كەنجە ءبىرجانوۆ ءارقايسىسى 22 جىلعا باس بوستاندىقتارىنان ايىرىلدى.

قىلمىستىق توپقا تاعىلعان ايىپ بىردەي بولعانىمەن، ا. توعايەۆقا قاتىستى ۇكىم شىعارىلعان كەزدە ونىڭ بۇرىن بىرنەشە رەت سوتتالعانى، ول قىلمىستارىنىڭ دا اۋىرلىعى ەسكەرىلىپ، ەڭ جوعارى جازا بەلگىلەندى.

سوتتالۋشىلاردىڭ مۇلىكتەرى تاركىلەنەدى. سوت جابىرلەنۋشى تاراپتىڭ 10 ميلليون تەڭگە كولەمىندە ءمورالدىق، سونداي-اق 5 ميلليون تەڭگە ماتەريالدىق زالالدى (ۇرلانعان التىن بۇيىمدار، قارجى، ۆالەنتينا كاركۋلانى ەمدەۋگە جانە ىسكە قاتىستى شىعىندار) ءوندىرۋ تۋرالى ازاماتتىق تالاپارىزىن دا قاناعاتتاندىردى.

ايتا كەتەيىك، بۇكىل ءوڭىردى دۇرلىكتىرگەن وقيعا بيىل 13 - قاڭتارعا قاراعان ءتۇنى ورىن الدى. ءتۇن قاراڭعىلىعىن جامىلعان اتالعان توپ توناۋ ماقساتىمەن كاسىپكەردىڭ ۇيىنە باسىپ كىرىپ، ونى اتىپ ءولتىرىپ، زايىبىن اۋىر جاراقاتتاپ كەتكەن بولاتىن. ولارعا قىلمىستىق كودەكستىڭ جەتى بىردەي بابى بويىنشا ايىپ تاعىلعان ەدى.

ۇكىم زاڭدى كۇشىنە ەنگەن جوق.

اۆتور: ەلجان ەرالى

سوڭعى جاڭالىقتار