ق ر ەلشىسى مارات ءتاجين ۆلاديمير پۋتينگە سەنىم گراموتاسىن تاپسىردى

سەنىم گراموتالارىن تابىستاۋ سالتاناتتى راسىمىنە 14 شەتەلدىڭ ەلشىلىگى مەن ديپلوماتيالىق ميسسيا باسشىلارى قاتىستى.
ۆ. پۋتين ءوز سوزىندە ەلشىلەردى ر ف- داعى ديپلوماتيالىق ميسسيانىڭ باستالۋىمەن قۇتتىقتادى، ول ماسكەۋ زاماناۋي سىن- قاتەرلەر مەن تاۋەكەلدەرگە جاۋاپ بەرۋدە بەيبىت قاۋىمداستىقپەن بىرلەسكەن جۇمىسقا بەيىلدى ەكەندىگىن اتاپ ءوتتى.
ەلشىلەرى راسىمگە قاتىسقان مەملەكەتتەرمەن ەكى جاقتى قاتىناسقا توقتالا وتىرىپ، ۆ. پۋتين قازاقستانمەن سەرپىندى دامىپ كەلە جاتقان ىنتىماقتاستىقتى ەرەكشە اتاپ ءوتتى.
«قازاقستان رەسپۋبليكاسى - ءبىزدىڭ نەگىزگى ارىپتەسىمىز جانە ستراتەگيالىق وداقتاسىمىز. ەكى جاقتى جانە حالىقارالىق كۇن ءتارتىبىنىڭ بارلىق سپەكترلەرى بويىنشا قازاقستانمەن ءوزارا قاتىناستىڭ اشىق جانە سەنىمدى سيپاتىن جوعارى باعالايمىز» ، - دەپ اتاپ ءوتتى رف پرەزيدەنتى.
«21 - عاسىرداعى كورشىلىك پەن وداقتاستىق تۋرالى رەسەي مەن قازاقستان اراسىنداعى شارتتا ايقىندالعان بارلىق باعىتتار بويىنشا استانامەن ىنتىماقتاستىقتى ارتتىرۋعا نيەتتىمىز، - دەدى ۆ. پۋتين. - ءبىزدىڭ ورتاق مۇددەمىز - ەۋرازيالىق ينتەگراتسيا، 2015 - جىلعى 1- قاڭتاردان باستاپ ىسكە قوسىلاتىن ەۋرازيالىق وداق قالىپتاستىرۋ ۇردىستەرىن العا جىلجىتۋ» .
سونداي- اق، رەسەي قازاقستانمەن ءوزارا قاتىناستىڭ اشىق جانە سەنىمدى سيپاتىن جوعارى باعالايدى، - دەدى رەسەي پرەزيدەنتى.