جۇلدىزداردىڭ اجىراسۋىنا جۇمىسباستىلىق سەبەپ

بۇل ەكەۋىنىڭ اجىراسقانى تۋرالى اقپارات ب ا ق-تا 14 - ماۋسىم كۇنى پايدا بولعان ەدى.
ايدا قاليەۆا بۇل اقپاراتتى راستادى، ال نيكيتا Instagram-دا باسقا قۇربىسىنىڭ فوتوسىن جاريالادى، ول - 17 جاستاعى مەكتەپ وقۋشىسى الەنا.
پرەسنياكوۆتىڭ ۇلكەنى جاستاردىڭ اجىراسقانىن ايەلى ناتاليا پودولسكايانىڭ تۋعان كۇنىندە ەستىگەن. نيكيتا اكەسىنە كەلىپ، سۇيىكتىسىمەن قاتىناستى ۇزگەنىن ايتقان. "بۇعان دەيىن ولار ەكى اي بويى بىرگە جۇرمەگەن بولاتىن. ءبىراق قاتىناستارى ۇزىلگەنىن جاسىرىپ كەلدى. ءبىز مەيرامحانالارعا، كينوعا بىرگە باراتىنبىز. نيكيتا ماعان تارتقان، ۇندەمەيدى. ول ەشقاشان سىر بەرمەيدى"، - دەيدى ۆلاديمير.
ونىڭ ايتۋىنشا، نيكيتا ايدانى قاتتى جاقسى كورگەندىكتەن، اجىراسقاندا قينالعان. "ول ءوزىن تاماشا ءانشى ءارى مۋزىكانت رەتىندە كورسەتە ءبىلدى. ءبىراق وتباسىلىق ومىرىنە، ارينە، بۇل وڭ اسەر ەتپەدى. "توچ ۆ توچ" جوباسىنا قاتىسقان كەزدە ول ۇيگە تۇنەۋگە دە ۇلگەرمەي ءجۇردى. سونىمەن قاتار، تاعى بىرنارسە ءتۇسىرىپ، ساپارلارعا شىقتى. ايداعا مۇنداي تىعىز جۇمىس كەستەسىن ءتۇسىنۋ قيىن بولدى. بۇعان شىداۋ ءۇشىن كوپ تاجىريبە كەرەك ەدى، ال ونىڭ جاسىندا مۇنداي تاجىريبە قايدان بولسىن؟" - دەدى پرەسنياكوۆتىڭ ۇلكەنى.
ۆلاديمير نيكيتا مەن ايدانىڭ اراسىنا باسقا ءبىر ادام ءتۇستى دەگەن اقپاراتتى راستامادى. 17 جاستاعى الەنا نيكيتانىڭ جاي عانا دوسى ەكەن.
نيكيتا مەن ايدا بىرنەشە جىل بۇرىن نيۋ-يوركتە تانىسقان. ولار ەڭ العاش 2010 - جىلى تيمۋر بەكمامبەتوۆتىڭ جاڭا فيلمىنىڭ تۇساۋكەسەرىندە كوپتىڭ الدىنا شىقتى. 2013 - جىلدىڭ ءساۋىر ايىندا نيكيتا سۇيگەنىنە سۋ استىنداعى كەشكى اس كەزىندە ۇيلەنۋگە ۇسىنىس جاسادى. ايدا كەلىسىم بەرگەن بولاتىن
Tengrinews.kz