جيىرما جاسار ستۋدەنتتەردىڭ ويلاپ تاپقان ونەرتابىستارى

وسىعان وراي قوعامدا قاراپايىم ستۋدەنتتەر جاساعان ونەرتابىستارىمەن تانىستىرماقپىز.
ق ب ت ۋ ستۋدەنتى ازۋعا ارنالعان موبيلدى قوسىمشا ويلاپ تاپتى.
قازاقستان-بريتان تەحنيكالىق ۋنيۆەرسيتەتىنىڭ ستۋدەنتى نۇرحان شىلدەبايەۆ ارتىق سالماقتان ارىلعىسى كەلەتىن ادامدار ءۇشىن «الامان» دەپ اتالاتىن موبيلدى قوسىمشا جاساپ شىعاردى.
نۇرحان ءوز جوباسىن «IT-Universe-2013/2014» دەگەن اتاۋمەن نازاربايەۆ ۋنيۆەرسيتەتىندە ءوتىپ جاتقان اقپاراتتىق تەحنولوگيا سالاسىنداعى ءبىرىنشى حالىقارالىق ستۋدەنتتەر وليمپياداسىندا كوپشىلىك قاۋىمعا ۇسىندى.
«بۇل قوسىمشا قاراپايىم ادامدارعا ارنالعان. تاڭەرتەڭ جۇگىرىپ قايتقان ءاربىر ادام قانشا قاشىقتىقتى باسىپ وتكەنىن جانە دەنەسىندەگى قانشا كالوريانىڭ جويىلعانىن بىلە الاتىن بولادى. قازىرگى كەزدە ارتىق سالماقتان ارىلا الماي جۇرگەن ادامدار سانى كوبەيىپ كەتكەندىكتەن، بۇل وزەكتى ماسەلەگە اينالىپ ۇلگەرگەن. مىنە سول ءۇشىن مەن وسى قوسىمشانى ويلاپ تاپتىم»، - دەيدى شىلدەحانوۆ.
قازان ۇلتتىق تەحنيكالىق ۋنيۆەرسيتەتىنىڭ ستۋدەنتتەرى پوليەتيلەندى پاكەتتىڭ ەكولوگيالىق انالوگىن ويلاپ تاپتى.
قازان ۇلتتىق تەحنيكالىق ۋنيۆەرسيتەتىنىڭ ستۋدەنتى يۆان زاحاروۆ سۋدا ءبىر كۇن تۇرسا ەرىپ كەتەتىن ەكولوگيالىق پاكەت ويلاپ شىعاردى. جاس ونەرتاپقىشتىڭ ايتۋىنشا، ەرەكشە ماتەريالدان جاسالعان پاكەت جەردە مىڭ جىلعا دەيىن شىرىمەي جاتا بەرەتىن پوليەتيلەندى پاكەتتەردىڭ ورنىن باسا الادى ەكەن.
«قاراپايىم كراحمالدان جاسالعان جاڭا ءونىمدى قولدانىپ بولعاننان كەيىن سۋعا سالىپ قويساڭىز، ءبىر تاۋلىكتىڭ ىشىندە ءوزى ەرىپ كەتەدى. ءتىپتى قولدانىلعان سۋدى ادام قاجەتىنە جاراتقان كەزدە، ەش زيانى تيمەيدى. مىسالى، ءبىر اۆتوكولىكتىڭ ءبىر كۇندە شىعارعان كومىرقىشقىل گازى مىنا قالتانىڭ 50 تونناسىن ەرىتكەنىڭىزدەگى شىققان كومىرقىشقىل گازىنا تەڭ بولادى»، - دەيدى زاحاروۆ.
قازىر ستۋدەنت جاڭا ءونىمدى پاتەنتتەۋمەن اينالىسىپ جاتىر. ستۋدەنتتىڭ يننوۆاتسياسىنا ۋتيليزاتسيامەن اينالىساتىن «قازان ەكولوگيالىق كومپلەكسى» قىزىعۋشىلىق تانىتىپ وتىر.
تاشكەنتتىك ستۋدەنت تۇنىق ەكراندى تەلەفون ويلاپ شىعاردى
تاشكەنت مەملەكەتتىك تەحنيكالىق ۋنيۆەرسيتەتىنىڭ ەكىنشى كۋرس ستۋدەنتى سيروجيددين ناسريددينوۆ كورشى ەلدىڭ استاناسىندا ءوتىپ جاتقان يننوۆاتسيالىق يدەيالار، تەحنولوگيالار مەن جوبالاردىڭ VII رەسپۋبليكالىق جارمەڭكەسىندە ەكى بەتىمەن دە جۇمىس جاساي بەرەتىن جاڭا تەلەفونىن ۇسىندى.
ارنايى جاسالعان اينەكپەن جابدىقتالعان تۇنىق ەكراندى تەلەفونعا جاس ونەرتاپقىش МХ-1 دەپ اتاۋ بەرىپتى.
تەلەفوننىڭ كورپۋسىندا ءۇش سەنسورلى باتىرما بار. ال جوعارعى جاعىندا كامەرانىڭ جارقىلى مەن انتەننا ورنالاسقان. يننوۆاتسيانىڭ نەگىزگى پروتوتيپىنەن بولشەكتەردى اۋىستىرۋعا بولادى. МХ-1 تەلەفونى ەكى بەتتى تۇنىق ەكرانى مەن ەكرانداعى نانوقابىقشا ارقىلى كۇننەن قۋات الا الادى.
ازىرگە، قۇرىلعىنىڭ ەكرانى ونشا جارىق ەمەس، دەگەنمەن بولاشاقتا دامىتاتىنىن ايتا كەتتى. جاس ونەرتاپقىش تەلەفوندى ورتاشا ەسەپپەن 600 ا ق ش دوللارىنا باعالاپ وتىر. سيروجيددين ونىمگە پاتەنت الىپ ۇلگەرگەن. ەندى جارمەڭكەگە قولداۋ بىلدىرەتىن دەمەۋشى ىزدەپ كەلگەنىن ايتادى.
تۇرىك ستۋدەنتى ادامنىڭ سىنعان جەرىن 40 پايىزعا جىلدام قالپىنا كەلتىرەتىن گيپس ويلاپ تاپتى.
دەنيز كاراحاسين ەسىمدى تۇرىك ستۋدەنتى ادام سۇيەگىنىڭ قايتا قالپىنا كەلۋ ۇدەرىسىن ۋلترا دىبىستاردىڭ كومەگىمەن جىلدامداتاتىن پلاستيكالىق گيپس جاساپ شىعاردى.
بۇل جاڭا ءونىم مەديتسينانىڭ تراۆماتولوگيا سالاسىندا ۇلكەن قولداۋعا يە بولۋى ابدەن مۇمكىن. ول ءوزى جاساعان يننوۆاتسيالىق ءونىمىنىڭ 3D-پرينتەردە شىققان نۇسقاسىمەن تانىستىرۋ كەزىندە ۋلترا دىبىستىق تەربەلىستىڭ ۇدەرىستى جىلدامداتاتىنىن ايتىپ ءوتتى. ناقتى وسى سالادا ۋلترا دىبىستىق تەربەلىستەردى قولدانۋ بۇرىن دا تالقىعا سالىنعان بولاتىن. دەگەنمەن، تەربەلىستەر ادام دەنەسىنە تىعىز ۇيكەلىپ تۇرماسا اسەر ەتپەيتىندەكتەن، قولدانۋدىڭ وزگە جولى تابىلماعان بولاتىن.
ال جاڭا قۇرىلعىنىڭ وڭتايلى كورپۋسى قولدىڭ زاقىمدانعان ايماعىن اشىق قالدىرادى. ەگەر يننوۆاتسيالىق جوباعا قارجىلاي قولداۋ ءبىلدىرۋشى تابىلسا، بىرنەشە جىل ىشىندە ءار ەمحانادا پلاستيكالىق گيپستى شىعاراتىن D3-پرينتەرلەر تۇرۋى ىقتيمال.
massaget.kz