رەسەي زىمىران شابۋىلىن انىقتاۋشى سوڭعى سپۋتنيكتەن ايىرىلدى

دەپ حابارلايدى Tengrinews.kz «كوممەرسانت» اقپارات قۇرالىنا سىلتەمە جاساپ.
2012 - جىلدىڭ ناۋرىز ايىندا وربيتاعا شىعارىلعان 71Х6 اپپاراتى جوعالىپ كەتتى. ول جوسپارلانعان 5-7 - جىل ورنىنا، ءبازبىر اقاۋلارعا بايلانىستى ەكى جىل جۇمىس اتقارعان. سپۋتنيكتى جاساپ شىعارۋعا قورعانىس مينيسترلىگى 1,5 ميلليارد رۋبل (44 ميلليون دوللار) قارجى مەن ەكى جىل ۋاقىت سارىپ ەتكەن.
قازىرگى ۋاقىتتا رەسەيلىك اسكەريلەردىڭ ەنشىسىندە گەوستاتسيونارلىق وربيتادا بىردە - ءبىر «و ك و-1» سپۋتنيگى قالماعان. ال تولىق جۇمىس جۇرگىزۋ ءۇشىن ەڭ كەم دەگەندە ەكى اپپارات قاجەت. دەسە دە، بۇل اپپارات 2005 - جىلى جوعارعى اسكەري شەندىلەردىڭ سىنىنا ىلىككەن بولاتىن.
2011 - جىلى عءا ق اسكەرلەرى قولباسشىسى گەنەرال ولەگ وستاپەنكو «اسكەريلەر عارىش ەشالونىن جوندەمەيدى، زىمىراندىق شابۋىلدى ەسكەرتەتىن جاڭا ءبىرىڭعاي عارىشتىق جۇيە قۇرادى» دەپ مالىمدەگەن ەدى.
قازىرگى ۋاقىتتا كالۋگا وبلىسىنداعى سەرپۋحوۆ-15 جابىق اسكەري قالاشىعىندا ورتالىق كوماندالىق پۋنكتتى ورنالاستىرۋ جۇمىستارى ءجۇرىپ جاتىر. سونداي- اق، اسكەريلەر جاڭا اپپارات جاساۋعا 2012 -جىلى قارجى بولگەن. الايدا قازىرگى دەيىن قانداي جۇمىستار اتقارىلعانى بەلگىسز.