كورەرمەندەرى دە كولىك ءمىنىپ قايتاتىن جارىس

استانا. قازاقپارات- بۇگىن استاناداعى «Rixos President Astana Hotel»   قوناقۇيىنىڭ «Orda»   ءماجىلىس زالىندا ۇلت كوشباسشىسى - قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ جۇلدەسى ءۇشىن قازاق كۇرەسىنەن رەسپۋبليكالىق «قازاقستان بارىسى» تۋرنيرىنىڭ فينالدىق سىنىنا ارنالعان باسپا ءسوز ءماسليحاتى ءوتتى.
None
None

 اتالمىش باسپا ءسوز وتىرىسىندا بيىلعى ورىن العان وڭ وزگەرىستەردىڭ كۋاسى بولىپ قايتتىق.

بيىل بالۋان سانى دا، باپكەر سانى دا ازايعان

وسىمەن ءتورتىنشى مارتە وتكەلى وتىرعان تۋرنيرگە بيىل ءبىر قاتار جاڭالىقتار ەنگىزىلىپتى. وتكەن جىلدارى اقتىق سىندا 32 بالۋان باق سىناسا، بيىل 28 بالۋان بەلدەسەدى. 5 بالۋان جارىستان شەتتەتىلگەن. ونىڭ تورتەۋى مەديسينالىق تەكسەرىستە دوپينگ قولدانعانى انىقتالسا، ەندى ءبىرى ىرىكتەۋ سىندارىنان وتپەي بىردەن وبلىستىق جارىسقا قاتىسقانى ءۇشىن ەرەجە بۇزدى دەگەن ايىپپەن فينالدىق باسەكەدەن شەتتەتىلگەن.

ال، اقتىق باسەكەدە تورەلىك ەتەتىن قازىلار سانى التى ادامعا قىسقارتىلعان. قازىلىق جاساۋ ءۇشىن رەسپۋبليكاداعى بارلىق مەملەكەتتىك دارەجەدەگى تورەشىلەردى ىرىكتەۋدەن وتكىزگەن. سونىڭ ىشىنەن 15 تورەشى ىرىكتەۋدەن سۇرىنبەي وتكەن. ەندى ماۋسىمنىڭ 29 - كۇنى وتەتىن فينالدىق دودادا وسى 15 تورەشىنىڭ ىشىنەن 6 تورەشىنى جەرەبە تارتۋ ارقىلى انىقتاماق. باسپاءسوز بارىسىندا «قازاقستان بارىسى» يدەياسىنىڭ اۆتورى ارمان شورايەۆ: «مۇنىڭ بارلىعى ءتول كۇرەسىمىزدىڭ ساپاسىن ارتتىرۋ ماقساتىندا جاسالعان قادام» ، - دەپ اتاپ ءوتتى.

ۇلتتىق كۇرەسكە ۇلتتىق بوياۋ قوسىلادى
  اتالمىش باسپا ءسوز وتىرىسىندا ءتول كۇرەسىمىزدىڭ جاناشىرلارى مەن جانكۇيەرلەرى ءۇشىن دە كوپتەگەن توسىن سىي كۇتىپ تۇرعانى انىقتالدى. «قازاقستان بارىسىنىڭ» اقتىق دوداسى اياسىندا «كەش YOU»، «الاش ۇلى» توبى، نۇرلان ابدۋللين، تۇرسىنبەك قاباتوۆ باستاعان ونەر جۇلدىزدارى ەلىمىزدىڭ باس قالاسى استانا تورىندە جىلىنا ءبىر وتەتىن ايتۋلى دودانىڭ كوركىن ارتتىرىپ، ارتىستەر مەن شىعارماشىلىق ۇجىمداردىڭ شوۋ باعدارلاماسى بالۋاندار باسەكەسىن ودان ءارى ارلەندىرە تۇسپەك.

 سونداي- اق، الىس- جاقىن شەتەلدەردەن ارنايى قوناقتار كەلىپ، ءتول سپورتىمىز قازاق كۇرەسىنەن سىنعا تۇسەتىن قازاقتىڭ نار تۇلعالى جىگىتتەرىنىڭ بەلدەسۋلەرىن ارنايى تاماشالاماق. ايتالىق، «قازاقستان بارىسى» تۋرنيرىنە تۇڭعىش رەت «بوەتس» تەلەارناسىنىڭ باس ديرەكتورى سەرگەي زاۆيلەيسكي مەن وكيناۆالىق شەبەر، گودزيۋ- ريۋدان 10- دان يەگەرى سەنسەي موريو حيگاوننا قوناق بولادى. ادەتتە ونىڭ ارتىنان 30-40 جاپوندىق ءتىلشى ەرىپ جۇرەتىن كورىنەدى.

«قازاقستان بارىسى» تۋرنيرى تەك ەلىمىزدە عانا تىكەلەي ەفيردە تارالمايدى  

«قازاقستان بارىسى» تۋرنيرىن تاماشالاۋعا بارشا الەمگە تارايتىن «بوەتس» ارناسىنىڭ ديرەكتورى سەرگەي زاۆيلەيسكي كەلەتىنى تۋرالى جوعارى دا اتاپ وتتىك. باسپاءسوز بارىسىندا جوبا اۆتورى ارمان شورايەۆ: «بىزگە الەمنىڭ ەڭ ءىرى سپورت تەلەارنالارىنىڭ ءبىرى سانالاتىن «بوەتس» ارناسىنىڭ ديرەكتورى سەرگەي زاۆيلەيسكي «بوەتس» ارناسى ارقىلى تۋرنيردى تىكەلەي ەفيردە كورسەتەتىن بولىپ كەلىستى. مىنە، وسى «بوەتس» ارناسى ارقىلى ءبىزدىڭ ءتول كۇرەسىمىزدى، ناقتىراق ايتساق، «قازاقستان بارىسى» دوداسىنىڭ اقتىق بەلدەسۋلەرىن الەمنىڭ جۇزدەگەن ەلدەرى بىزبەن بىرگە تاماشالاي الادى» ، - دەپ اتاپ ءوتتى. ال قازاقستاندىق ارنالاردان «KAZSport» تەلەارناسى تىكەلەي ەفيردە كورسەتەدى.  

باس بالۋانعا بەرىلەتىن سىياقى دا وزگەردى

وسىعان دەيىن، باس جۇلدەنى جەڭىپ العان بالۋان 150 مىڭ ا ق ش دوللارىن، ءبىر اۆتوكولىك، التىن تايتۇياق، التىن بەلبەۋدى قانجىعاسىنا بايلايتىن. ال اقشالاي بەرىلەتىن جۇلدەنى ا ق ش دوللارىمەن ەمەس، مەملەكەتتىك ۆاليۋتامىز تەڭگە بويىنشا بەرىلەتىن بولدى. الايدا، بۇدان باس جۇلدەنى جەڭىپ العان بالۋاننىڭ جۇلدە قورى كەمىپ قالمايدى. كەرىسىنشە جۇلدە قورى 5 ميلليون تەڭگەگە ۇلعايعان. بۇل دا ءوز قۇندىلىعىمزعا دەگەن قۇرمەتتىڭ ءبىرى دەسەك ارتىق ايتقاندىق ەمەس. ءبىراق، بيىل باس جۇلدە جەڭىپ العان بالۋانعا اۆتوكولىكتىڭ كىلتى تابىستالمايدى. اۆتوكولىكتى كورەرمەن كوزايىمىنا اينالعان بالۋانعا سىيعا تارتادى. ول بالۋاندى كورەرمەن انىقتايتىن بولادى.

«قازاقستان بارىسى» تۋرنيرىنە ەشقانداي سۋسىندىق الىپ كىرە المايسىز

ءالى كوز الدىمىزدا. وتكەن جىلى، ياعني 2013 - جىلدىڭ «قازاقستان بارىسىن» انىقتاعان اقتىق دودادا تورەشىلەردىڭ شەشمىنە كەلىسپەگەن كورەرمەن قاۋىم تورەشىلەردىڭ توبەسىنە قولدارىنداعى سۋسىن قۇيىلعان بوتەلكەلەرىن جاۋدىرتقان بولاتىن. سونىڭ سالدارىنان تارتىپسىزدىك بۇزىلىپ، تىكەلەي ەفيردەن كورسەتىپ جاتقان تەلەارنالاردىڭ بەلگىلەنگەن ۋاقىتتارىنا نۇقسان جەتكەن بولاتىن. مىنە، بيىل سونداي جاعداي تۋىنداماۋى ءۇشىن بيىل جارىستى تىكەلەي كەلىپ تاماشالايمىن دەگەن جانكۇيەرلەر ەشقانداي ىدىسقا قۇيىلعان سۋسىندار جانە تاماقتاردى جارىس الاڭىنا وزىمەن بىرگە الىپ كىرە المايدى.

كورەرمەندەرى دە كولىك ءمىنىپ قايتاتىن جارىس

بيىل ءۇشىنشى جىل قاتارىنان «قازاقستان بارىسى» تۋرنيرىنىڭ فينالدىق بەلدەسۋلەرىندە كورەرمەندەر اراسىندا اۆتوكولىك ويناتىلماق. 2012 - جىلى اۆتوكولىكتى تارازدىق جاس كەلىنشەك جانكۇيەر بولىپ كەلىپ ءمىنىپ قايتقان بولاتىن. ول سول جىلى جۋرناليستەرگە بەرگەن سۇحباتىندا بيلەتتى 1000 تەڭگەگە ساتىپ العانىن ايتقان بولاتىن. ال، وتكەن جىلى 3000 تەڭگەگە بيلەت ساتىپ العان قوستانايلىق جىگىتتىڭ باعى جانعان ەدى. بيىل بيلەتتەردىڭ باعاسىندا دا ازداپ وزگەرىستەر بار. وسىعان دەيىن، بيلەتتەر 1000، 2000، 3000 تەڭگەدەن بولسا، بيىل 1000، 3000، 5000 تەڭگەگە وسكەن. ال وسى جىلى قاي كورەرمەننىڭ باعى جاناتىنىن ماۋسىمنىڭ 29 - كۇنى كورەتىن بولامىز.

ايتا وتەيىك، «قازاقستان بارىسى» تۋرنيرىنىڭ اقتىق سىنى 29 - ماۋسىم كۇنى «سارى ارقا» رەسپۋبليكالىق ۆەلوترەگىندە ساعات 13:00 دە باستالادى.

اۆتورى: كۇنسۇلتان وتارباي

سوڭعى جاڭالىقتار