قازاق جەرىندە ازعىندىقپەن اينالىسقان ۇلى بريتانيا ازاماتى سەگىز جىلعا سوتتالدى

ب ق و سوتىنىڭ باسپا ءسوز قىزمەتىنەن گۇلميرا كەنجەعاليەۆانىڭ حابارلاعانىنداي، شەتەلدىك ازامات اتىراۋ مەن ورال قالالارىندا تۇرعان كەزىندە الەۋمەتتىك جەلىلەر ارقىلى تانىسقان جاسوسپىرىم قىزداردى قوناقۇيگە شاقىرىپ، ازعىندىققا يتەرمەلەگەن. ولارعا بەلگىلى ءبىر كولەمدە اقى تولەپ، ءسان الەمىندە جول تابۋلارىنا كومەكتەسۋگە ۋادە ەتىپ، جالاڭاش كۇيلەرىندە سۋرەتكە تۇسىرگەن.
شەتەلدىك ازاماتتىڭ بيىلعى 9 - اقپاننان بەرى قاماۋدا وتىرعانى بەلگىلى.
سوت بارۋح پيتەر دانيەل الفرەدتى ق ر ق ك 273, 273-1-بابى 1- ءبولىمى «ب» تارماعى، 124- بابى 3- ءبولىمى بويىنشا ايىپتى دەپ تانىپ، «كەنون» نىسپىلى فوتواپپاراتىن تاركىلەۋمەن بىرگە جازاسىن جالپى تارتىپتەگى تۇزەۋ كولونياسىندا وتەۋگە 8 جىلعا باس بوستاندىعىنان ايىردى.
جابىرلەنۋشىلەردىڭ زاڭدى وكىلدەرىنىڭ ازاماتتىق تالاپ ارىزدارى قاراۋسىز قالدىرىلدى.
سونداي- اق سوت شەتەلدىكتەن مەملەكەت پايداسىنا 150595 تەڭگە كولەمىندە پروسەسسۋالدىق شىعىندى ءوندىردى.
سوت ۇكىمى زاڭدى كۇشىنە ەنگەن جوق.
اۆتور: ەلجان ەرالى