قازاقستانمەن گەرمانيا اۆتوموبيلمەن تاسىمالداۋ بويىنشا ىنتىماقتاستىق ماسەلەلەرىن تالقىلادى
كەزدەسۋ بارىسىندا تاراپتار اۆتوموبيلمەن تاسىمالداۋ سالاسىنداعى ەكىجاقتى ىنتىماقتاستىقتىڭ وزەكتى ماسەلەلەرىن، ونىڭ ىشىندە 2014 -جىلعا قوسىمشا رۇقسات قاعازدارىن الماسۋدى بەلگىلەۋ جايىن تالقىلادى، دەپ حابارلادى ق ر كولىك جانە كوممۋنيكاتسيا مينيسترلىگىنىڭ باسپا ءسوز قىزمەتى.
اعىمداعى جىلعى 1 - ماۋسىمعا دەيىن قازاقستاندىق تاسىمالداۋشىلارعا بەلگىلەنگەن 500 ەۆرو-0 كاتەگوريالى 310 امبەباپ رۇقسات قاعازدار بەرىلدى. ال ءۇشىنشى ەلدەرگە جانە ەلدەردەن تاسىمالداۋعا بەلگىلەنگەن 500 رۇقسات قاعازداردىڭ 253 حى بەرىلگەنىن اتاپ وتكەن ءجون.
ءسويتىپ، قازاقستاندىق تاسىمالداۋشىلارعا قوسىمشا گەرمانيالىق رۇقسات قاعازدار قاجەتتىلىگى تۋىپ وتىر. اتالعان جاعدايدى ەسكەرە وتىرىپ، قازاقستاننىڭ باستاماسىمەن تاراپتار ەۆرو-0 ستاندارتىنا سايكەس كەلەتىن كولىك قۇرالدارى ءۇشىن 200 امبەباپ رۇقسات قاعاز بەن 200 ءۇشىنشى ەلدەرگە جانە ەلدەردەن تاسىمالداۋعا رۇقسات قاعاز كولەمىندە 2014 -جىلعا ارنالعان قوسىمشا كۆوتا بەرۋ مۇمكىندىگىن قاراۋعا ۋادەلەستى.
سونىمەن قاتار، تاراپتار ەكى ەل اۋماقتارىندا حالىقارالىق اۆتوموبيلمەن تاسىمالداۋ بارىسىندا تاسىمالداۋشىلار تاپ بولاتىن قيىندىقتاردى تالقىلاپ، تاسىمالداناتىن جۇك كولەمىن ارتتىرۋ ماقساتىندا ولاردى شەشۋ جولدارىن بەلگىلەدى.
گەرمانيا مەن قازاقستان اراسىندا ەكسپورت- يمپورت باعىتىندا اۆتوموبيل كولىگىمەن تاسىمالداناتىن جۇك كولەمى تەمىر جول كولىگىمەن تاسىمالداۋمەن سالىستىرعاندا ءۇش ەسە كوپ ەكەنىن اتاپ ءوتۋ قاجەت.
