مايكل دجەكسون ءولىمىنىڭ قۇپيالارى

استانا.قازاقپارات - الەمنىڭ پوپ كورولى مايكل دجەكسون ءتىرى بولعاندا جاسى 65 كە تاياپ قالعان بولار ەدى.
None
None

 بۇكىل دۇنيە جۇزىنەن ميلليونداعان اسىرە جانكۇيەر تابا بىلگەن پوپ جۇلدىزدىڭ وقىستا قايتىس بولۋىنا نە سەبەپ بولدى؟ ونىڭ ءولىمىنىڭ قۇپياسى نەدە؟ وسى تەكتەس سۇراقتاردىڭ جاۋابىن تابۋعا تىرىسىپ كورەلىك.

 مايكل وسىدان تۋرا 5  جىل بۇرىن، ءدال وسى كۇنى، ياعني 25 - ماۋسىمدا ومىردەن وزدى. لوس- اندجەلەستىڭ ورتالىق كلينيكاسىنىڭ مەديتسينالىق ساراپتاما وكىلدەرى مارقۇمنىڭ پروپوفول مەن بەنزوديازەپين دارىلەرىن مولشەردەن تىس قابىلداعاندىقتان، جۇرەگى كوتەرمەي قايتىس بولعانىن ايتادى. ونىڭ جەكە دارىگەرى بولعان كونراد ميۋررەي مايكلدى ءوز بولمەسىندە ءولىم اۋزىندا جاتقاندا تاۋىپ العان.

ءبىز بىلمەۋگە ءتيىس بولعان وقيعانىڭ شىنايى سيۋجەتى يلليۋميناتتارعا قاتىستى بولعان دەگەن پىكىرلەر دە بار. يلليۋميناتتار بۇرىنعى ماسونداردىڭ قازىرگى وزگەرگەن بۇركەنشىك اتاۋى بولىپ تابىلادى. ول ساياسات قوي، ونىڭ مۋزىكا الەمىنە قاتىسى قانشا دەگىڭىز كەلە مە؟ دەگەنمەن، قاتىسى بار دەپ ەسەپتەيتىندەر دە بار. بۇگىن وسى تۋرالى اڭگىمەلەپ كورەيىك.


 ءسوزدىڭ توركىنى مايكلدىڭ العاش ساحناعا شىعا بەرگەنىنەن باستالادى. دارىندى ءانشى، وزىندىك ءستيلدى قالىپتاستىرعان پوپ كورولىنىڭ بولاشاعى جارقىن بولارىنا قۇپيا ۇيىمنىڭ وكىلدەرى دە سەنىمدى بولىپتى. يلليۋميناتتاردىڭ ۇزاق ۋاقىت ونى ءوز شەڭبەرىندە ۇستاۋىنداعى باستى ماقسات بولاشاقتا مايكلدىڭ تانىمالدىعىن پايدالا وتىرىپ، قوعامدى باقىلاۋعا الۋ بولاتىن. ناقتىراق ايتساق، ونىڭ ولەڭدەرىندە قۇپيا حابارلامالار بولعان دەسەدى. ⅩⅩعاسىردىڭ 80-جىلدارىنا دەيىن امەريكا قۇرلىعىندا افروامەريكالىقتاردىڭ قۇقىعى تاپتالىپ كەلگەنىن بىلەمىز. تەاترداعى قويىلىمنىڭ كۋلميناتسيالىق بولىمىندەگى ادامدى اسەرلەندىرىپ جىبەرەتىن سيۋجەتتەگىدەي شىناي ومىردەگى باستى كەيىپكەر مايكل دجەكسون ەدى. كوپشىلىكتىڭ سيقىمىنا كەلمەيتىن قارا ءتاندى ادامداردىڭ سول كەزەڭدە جۇلدىز بولىپ شىعۋى ەشكىمنىڭ ويىنا كەلمەگەندىكتەن، ونى تانىعان قوعام جاڭا ءداۋىردىڭ قاھارمانى دەپ ءبىلدى. «قوعامدى باسقارۋدىڭ قاجەتى جوق. ونى باعىتتاۋ كەرەك» ، - دەپ بەندجامين فرانكليننىڭ ءوزى ايتقانداي، يلليۋميناتتار قوعامعا باعىتتى مايكل ارقىلى بەرىپ وتىرعان. مايكلدىڭ سوڭىنان 13 فاناتىنىڭ سۋيتسيد جاساعانى وسىعان ءبىر دالەل بولا الادى.

 ادامنىڭ ۇلعايعان سايىن، بۇيىرعان ءىستى ورىنداعىسى كەلمەيتىندىكتەن، مەگاجۇلدىز مايكلدىڭ دا كەيىننەن قۇپيا ۇيىمنىڭ ەرىكسىز ماشيناسىنا اينالدى. ەركىندىك بولعان جوق .. .

2009 -جىلدىڭ 25 ماۋسىمىندا مايكلدان بولەك، بەلگىلى سازگەر، «SEEDS» روك- گرۋپپاسىنىڭ سولو ورنىداۋشىسى سكاي سەكسون مەن گولليۆۋد اكتريساسى فەررا فوسەتتەر دە قۇپيا تۇردە ومىردەن وزىپ، كەيىننەن مەديتسينالىق ساراپتامامەن سوتتىق ءىس جابىلعان بولاتىن. مۇنىڭ ءبارى سايكەستىك ەكەنىنە سەنەسىز بە؟ ولار دا قۇپيا ۇيىمنىڭ بۇعاۋلانعان پرومەتەيى بولعان بولار نەمەسە تاعدىرى الدىن الا جازىلىپ قويىلعان احيلل بولعان بولار. ول جاعى بىزگە قاراڭعى .. .

 

اۆتور: جولداس ورىسبايەۆ

massaget.kz 

سوڭعى جاڭالىقتار