ليونەل مەسسيدىڭ جەتىستىككە جەتۋ تاريحى
ليونەلدىڭ قاراپايىم جانۇيادان شىعىپ، وسىنداي جەتىستىككە جەتۋىنە ۇزدىكسىز ەتكەن ەڭبەگى مەن دارىنى ارقاۋ بولعان. مەسسيدىڭ تابىس پەن اتاققا جەتۋ جولى سونىسىمەن ەرەكشە. ال ارگەنتينالىق لەونىڭ ومىردەرەگىندە قۇرمەتكە لايىق ەكىنشى فاكتى ونىڭ تابيعي دەرتىندە بولاتىن. قالاي ءجاسوسپىرىم جىگىت تاعدىردى جەڭىپ، داڭقى استى؟ وسى سەكىلدى سۇراقتارعا جاۋاپ بەرۋ ءۇشىن ليونەل مەسسيمەن جاقىنىراق تانىسايىق.
بالالىق شاعى
ايگىلى فۋتبولشى ليونەل اندرەس مەسسي 1987 -جىلدىڭ 24 - ماۋسىمىندا دۇنيە ەسىگىن اشادى. اكەسى حورحە مەسسي زاۋىتتا قىزمەتكەر، ال اناسى سيليا مەسسي كوشە سىپىرۋشى بولعان قاراپايىم ارگەنتينالىق جانۇيادا ءوسىپ ونەدى. مەسسيلەر جانۇياسىندا لەودان وزگە ەكى ۇل (رودريگو مەن ماتياس) جانە ءبىر قىز (ماريا) بولادى.
ەگەر ليونەل مەسسيدىڭ اكەسى «گراندوليني» دەگەن اۋەسقوي فۋتبول كومانداسىنىڭ جاتتىعۋ جۇمىستارىمەن اينالىسپاعاندا، ونىڭ ءومىر جولى باسقا سالاعا بۇرىلىپ كەتۋى دە مۇمكىن ەدى. ءدال وسى كەزەڭدە مەسسيدىڭ ۇلكەن فۋتبولعا قىزىعۋشىلىعى ارتا باستايدى. دەگەنمەن، مەسسيدىڭ تاعدىرى وعان توسىن سىي دايىنداپ قويعان ەدى. ونىڭ گورموندى بالانسىنىڭ تۇراقسىزدانۋى، بويىنىڭ وسپەي قالۋىنا اكەپ سوعادى. مەسسيدى ەمدەۋگە قىمبات باعالى ءدارى- دارمەك قاجەت بولادى. اكەسى قوماقتى قارجىنى تابۋ ءۇشىن بارسەلوناعا بارىپ، كلۋبقا بالاسىن الۋدى، سونسوڭ ەمدەلۋىنە قارجىلاي كومەك كورسەتۋدى سۇرايدى. بارسەلونانىڭ باسشىلارى ونىمەن كەلىسىپ، بار قولداۋدى كورسەتەدى.
وسىلايشا بولاشاق الەمنىڭ ەڭ ۇزدىك فۋتبولشىسى ليونەل اندرەس مەسسي 2000 - جىلدىڭ 30 - قازان كۇنى بارسەلونا سابىنا ەنەدى. لەو جاسوسپىرىمدەر قۇرامىندا وتكىزگەن العاشقى كەزدەسۋىندە بەس گول سالىپ، ۇزدىك ناتيجە كورسەتەدى.
ليونەل مەسسيدىڭ نەگىزگى قۇرامداعى دەبيۋتى 2003 -جىلدىڭ 17 - قاراشاسىندا پورتۋعا قارسى ويىندا بولادى. ەۋروپانىڭ بارلىق ب ا ق وكىلدەرى جاڭا جۇلدىزدىڭ پايدا بولعانىن جازا باستايدى. ناقتىلاي كەتسەك، El Mundo گازەتىندە ونىڭ سول اياعى مارادونانىڭ اياعىمەن سالىستىرىلسا، جىلدامدىعى مەن ونەر كورسەتۋ ستيلى ايگىلى كرويف پەن رونالدينوعا تەڭەستىرىلدى. ال مەسسي كلۋبتىڭ شابۋىلشىسى رەتىندە العاش رەت 2004 -جىلدىڭ 16- قازان كۇنىندە بارسەلونانىڭ ەسپانولاعا قارسى ويىنىندا شىعادى. كامەلەتكە تولماس بۇرىن لەو يسپانيا بىرىنشىلىگىندە "ەڭ ۇزدىك جاس شابۋىلشى" اتاعىن يەمدەنەدى.
كاسىبي فۋتبولشىنىڭ جەتىستىككە جەتۋى
ول ءتورت رەت يسپانيا چەمپيونى اتانادى. ال 2006 - جانە 2009 - جىلدارى لەو مەسسي چەمپيوندار ليگاسىنىڭ جەڭىمپازى بولادى. World Soccer ساراپتاماسى بويىنشا ليونەل مەسسي 2006, 2007 جانە 2008 -جىلدارى ەۋروپانىڭ ەڭ ۇزدىك جاس فۋتبولشىسى تيتۋلىن يەمدەنەدى.
باستى جەتىستىكتەرى:
- يسپانيا كۋبوگى (2009-جىل)
- يسپانيانىڭ سۋپەركۋبوگى (2005, 2006 جانە 2009-جىلدارى)
- ۋەفا سۋپەركۋبوگى (2009-جىل)
- التىن دوپ (2009, 2010, 2011 جانە 2012-جىلدارى)
- التىن بۋتسى (2009 جانە 2010-جىلدارى)
ال مەسسي 2005-جىلى يۋنيورلار اراسىندا الەم چەمپيوندىعىنا جەتسە، 2008-جىلعا كەلىپ، وليمپيادا چەمپيونى اتانادى.
فۋتبولشىنىڭ جەكە ءومىرى
ليونەل مەسسي ءوزىنىڭ جەكە ءومىرى تۋرالى كوپكە ايتا بەرگىسى كەلمەيدى. مىسالى، گازەتتەر لەو مەن ونىڭ جەرلەسى ماكارەنا لەموسپەن قارىم- قاتىناستا جۇرگەنىن جازادى. ءبىراق بۇل جەرگىلىكتى ب ا ق وكىلدەرىنىڭ قاۋەسەتى عانا بولاتىن.
جانكۇيەرلەرى ونى تاعى دا ارگەنتينالىق مودەل لۋسيانا سالاسارمەن گازەت بەتتەرىندە كورە باستايدى. دەگەنمەن، مەسسي ەشبىر تىلشىگە ءوزىنىڭ جەكە ءومىرى جايلى ءتىس جارمايدى.
تەك ءبىر رەت، 33 تەلەارنادا تاراتىلعان Hat Trick Barca باعدارلاماسىنا بەرگەن سۇقباتىندا: "مەنىڭ كەرەمەت دوس قىزىم بار. مەنىڭ ويىمشا ونىمەن باقىتتى عۇمىرىم ءوتىپ جاتىر"، - دەيدى مەسسي.
جارناما بەتتەرىنە ءتۇسۋى
مەسسي وزگە فۋتبولشىلار سەكىلدى جارناماعا كوپ تۇسە بەرمەيدى. ول فەرناندو توررەسپەن بىرگە Pro Evolution Soccer 2009 جانە Pro Evolution Soccer 2011 ۆيدەوويىندارىنىڭ نەگىزگى بەتىندە جاريالانعان. ودان باسقا، Adidas, Storkman, A- Style, Mirage, el Banco Sabadell, YPF، MasterCard, Garbaino, Xbox, McDonald's, Danone, Pepsi, Movistar كومپانيالارىنىڭ جارنامالارىنا تۇسكەن.
سونداي- اق، مەسسي يۋنيسەف- تىڭ ەرىكتىلەر قاتارىنداعى حالىقارالىق ەلشىسى بولىپ تابىلادى.
دايىنداعان: جولداس ورىسبايەۆ
massaget.kz
