يسپانيا فۋتبولشىلارى مىنگەن ۇشاق نايزاعايعا تاپ بولدى

استانا. قازاقپارات- «برازيليادا ءوتىپ جاتقان الەم چەمپيوناتىندا ساتسىزدىككە ۇشىراپ، ەلىنە قايتىپ كەلە جاتقان يسپانيا فۋتبولشىلارى مىنگەن ۇشاق نايزاعايعا ۇرىندى»،
None
None

 - دەپ حابارلايدى Tengrinews.kz ر ي ا نوۆوستي اقپارات قۇرالىنا سىلتەمە جاساپ.

وقيعا 24 - ماۋسىم كۇنى ورىن العان. الەم چەمپيوناتىنىڭ توپتىق كەزەڭىندە ءساتسىز ويىن كورسەتكەن يسپانيا قۇراماسىن ەلىنە اكەلە جاتقان ۇشاق مادريد اۋەجايىنا قونۋعا باعىت العاندا نايزاعايعا ۇرىنعان. اۋە كومپانياسى پرەسس- اتتاشەسىنىڭ سوزىنە قاراعاندا، باقىتقا وراي، نايزاعاي ۇشاققا دا، جولاۋشىلارعا دا زيان كەلتىرمەگەن.

Vesti.kz اقپارات قۇرالىنىڭ مالىمەتىنە قاراعاندا، يسپانيا قۇراماسىن اۋەجايدان بىردە - ءبىر جانكۇيەر قارسى الماعان.

ەستەرىڭىزگە سالا كەتسەك، 2010 - جىلعى الەم چەمپيوندارى بيىلعى ويىندارىندا پلەي- وفف كەزەڭىنە شىعۋ مۇمكىندىگىنەن مەرزىمىنەن بۇرىن ايىرىلعان ەدى. ولار العاشقى ويىندا گوللاندياعا 1:5 ەسەبىمەن ەسە جىبەرسە، ودان كەيىن چيلي قۇراماسىنان 0:2 ەسەبىمەن ۇتىلدى. توپتىق كەزەڭنىڭ ەشنارسە شەشپەيتىن سوڭعى ويىنىندا يسپانيا قۇراماسى اۆستراليانى 3:0 ەسەبىمەن جەڭگەن بولاتىن.

سوڭعى جاڭالىقتار