10:03, 25 - ماۋسىم 2014 | GMT +5
يتاليان ءتىلى - ۇيرەنۋگە جەڭىل ءتىلدىڭ ءبىرى
استانا. قازاقپارات - يتاليان ءتىلى - الەمدەگى ەڭ تانىمال تىلدەردىڭ ءبىرى. سوڭعى زەرتتەۋلەرگە سايكەس ول اعىلشىن، فرانسۋز، يسپان تىلدەرىنەن كەيىن ءتورتىنشى ورىندى يەلەنگەن.

دانتە ءتىلى نەمىس، قىتاي، جاپون تىلدەرىنە قاراعاندا تەز مەڭگەرىلەتىن ءتىل، ونى ۇيرەنەتىندەر سانى سوڭعى جىلدارى ءبىرشاما ارتقان، دەپ حابارلايدى Euromag.
بۇل ستاتيستيكا دەرەكتەرى تاياۋ كۇندەرى ريمدە يتاليانىڭ شەتەلدە تانىلۋ ءتاسىلى رەتىندە يتاليان تىلىنە ارنالعان كونفەرەنتسيا اياسىندا تالقىلاندى.
شارانى Icon - كونسورتسيۋم ۇيىمىمەن 19 يتالياندىق ۋنيۆەرسيتەت بىرىگىپ وتكىزدى. ولار ءتىلدى دامۋ، ونىڭ ىشىندە ەكونوميكالىق دامۋ فاكتورى رەتىندە تالداۋمەن اينالىسادى.
پروفەسسور ميركو تاۆوسانيستىڭ ايتۋىنشا، يتاليان ءتىلىنىڭ تانىمالدىعى يتالياندىق كومپانيالاردىڭ حالىقارالىق نارىقتاعى تابىستارىمەن، سونداي- اق الەمنىڭ يتاليان مادەنيەتىنە، ونىڭ ىشىندە ادەبيەت، اتاقتى يتاليان وپەراسى، ءتىپتى يتاليان اسحاناسىنا قىزىعۋشىلىعىنىڭ ارتقانىمەن تۇسىندىرەدى.