مايا تايپاسىنىڭ ۇرپاعى قازاق ەلىنە كەلۋگە نيەتتى

استانا. قازاقپارات - مەكسيكا قازاقستانمەن ىنتىماقتاستىق قۇرۋعا نيەتتى. ەلىمىزدە بۇل مەملەكەتتىڭ ەلشىلىگى ازىرگە اشىلماسا دا، مەكسيكالىقتار وزدەرىنە تاڭسىق ەلدى كورۋگە ىنتالى.
None
None

بۇل تۋرالى 24.kz جازادى.

مايا تايپاسىنىڭ ۇرپاعى قازاقتىڭ سالت -ءداستۇرى، ادەت - عۇرپىمەن تانىسىپ، اسقار تاۋلارى مەن دارحان دالاسىن كورۋگە اسىق.

حالىق سانى بويىنشا الەمدە 11- ورىندا تۇرعان مەكسيكا ەكونوميكالىق كۇردەلى ماسەلەلەرگە تاپ بولىپ وتىر. دەگەنمەن، ولارعا تابيعاتتىڭ بەرگەن سىيى كوپ: كاريب تەڭىزىنىڭ كوگىلدىر سۋى مەن جاعالاۋىنداعى اپپاق قۇم، تروپيكالىق دجۋنگلي، كونە وركەنيەتتىڭ قالدىرعان ەجەلگى ەسكەرتكىشتەرى مەن مايا پيراميدالارى. سودان بولار مەكسيكاعا تۋريستەر اعىلىپ كەلۋدە. ال وزدەرى تاڭسىق بولىپ كورىنەتىن قازاقستاندى كورۋگە ىنتازار.

ەريك ەرەرا، مايا ۇرپاعى: - قازاقستان ورنالاسقان الەمنىڭ جارتىسىندا ءالى بولعانىم جوق جانە قاردى ءوز كوزىمەن كورگىم كەلەدى. وكىنىشكە قاراي ءبىزدىڭ تۋريستىك اگەنتتىكتەردە قازاقستانعا باراتىن ساياحات باعدارلاما قاراستىرىلماعان. ءبىز ەلدەرىڭىزگە بارىپ، قارلى تاۋلار مەن جازىق دالانى كورىپ، ادەت - عۇرىپتارمەن تانىسىپ، تاعامدارىنىڭ ءدامىن تاتساق دەيمىز.

ەريك - كونە مايا تايپاسىنىڭ ۇرپاعى. ونىڭ اتا- اناسى يۋكاتاننىڭ كوپتەگەن تۇرعىندارى سەكىلدى وسى كۇنگە دەيىن ەگىنشىلىك، اڭشىلىقپەن اينالىسىپ، قولونەرمەن تابىس تابادى. اتا - باباسىنىڭ ادەت - عۇرىپتارىن قاتاڭ ساقتايدى. مەكسيكانىڭ تۋريستىك برەندى بۇكىل الەمگە تانىمال. اۆوكادو، جۇگەرى، شوكولاد پەن تەكيلانىڭ وتانى.

پەدرو سوليس، اسپاز: - «بۋريتتونىڭ» ءدامى ىشىنە سالىنعان تاعامدارعا بايلانىستى. ءبىز وعان ەت، قارا بۇرشاق، اۆوكادو، جۇگەرى، كۇرىش، سالات جاپىراقتارى مەن ءتۇرلى دامدەۋىشتەردى قوسامىز. سونىڭ ءبارىن بيداي شەلپەگىمەن ورايمىز. تاماقتارىنىڭ قۇرامىندا ءتۇرلى كوكونىستەر بولعانىنا قاراماستان، مەكسيكالىقتاردىڭ دەنە ءبىتىمى تولىق بولىپ كەلەدى. رەسمي مالىمەتتەرگە سۇيەنسەك، ەرەسەك حالقىنىڭ %32 - ى - سەمىزدىككە ۇشاراعاندار. سول سەبەپتى مەكسيكا ۇكىمەتى ۇلتتى ساۋىقتىراتىن ارنايى باعدارلامانى ازىرلەۋگە كىرىسپەك. تۋريستەردىڭ ميلليونداعان لەگىن قابىلداۋ ءۇشىن حالىقتىڭ تارتىمدى بولعانى ءجون.

 مەكسيكا تۋريزمنەن ميلليونداعان ا ق ش دوللارى كولەمىندە تابىس تابادى. بۇل- قازىناعا تۇسەتىن كىرىستىڭ جارتىسىنان ارتىق قاراجات. سوندىقتان مۇندا تۋريستەردى اسا قۇرمەتپەن كۇتىپ، جاقسى دەمالۋلارىنا جايلى جاعداي جاسالعان.

سوڭعى جاڭالىقتار