و ا ر پرەزيدەنتىن عالامتور ارقىلى ساتپاقشى بولعان

استانا. قازاقپارات - وڭتۇستىك افريكا رەسپۋبليكاسىنىڭ پرەزيدەنتى دجەيكوب زۋما Gumtree سايتىندا ساتۋ - ساتىپ الۋ ساناتىنداعى حابارلاندىرۋلار اراسىندا لوت رەتىندە قويىلعان، دەپ حابارلايدى شەتەلدىك ب ا ق.
None
None

ونلاين- رەسۋرسقا ورنالاستىرىلعان حابارلاندىرۋدىڭ اۆتورى ءوزىن Average Joe دەگەن نيكپەن تىركەگەن. «دەرەۋ باسقا پرەزيدەنت كەرەك. قازىرگىسى تىم قىمباتقا ءتۇسىپ وتىر»، - دەپ جازعان Average Joe زۋمانىڭ سۋرەتىنىڭ جانىنا.

ماتىندە سونداي-اق لوت تەك قانا ساتۋ نەمەسە ايىرباستاۋ ءۇشىن قولجەتىمدى ەكەندىگى جازىلعان، دەپ حابارلادى Lenta.ru. «ساتامىن نەمەسە ارزانىراق، اقىلدىراق مودەلىنە الماستىرامىن»، - دەپ وتكەن اۆتور. وعان قوسا، كەلىپ تۇسكەن كەز كەلگەن ۇسىنىستى قارايتىنىن مالىمدەگەن.

پرەزيدەنتتى ساتۋ تۋرالى حابارلاندىرۋ كەيىننەن الىنىپ تاستالدى. الايدا رەسۋرستى پايدالانۋشىلار سكرينشوتتى الەۋمەتتىك جەلىلەرگە تاراتىپ ۇلگەردى. زۋما تۋرالى حابارلاندىرۋ قانشا ۋاقىت تۇرعانى ايتىلمادى، لوتتى الىپ تاستاعان اۆتور ما، الدە ونلاين- رەسۋرستىڭ اكىمشىلىگى مە، ول جاعى بەلگىسىز.

سوڭعى جاڭالىقتار