قازاقستاننىڭ ۇلتتىق كومپانياسى شياڭگاڭدا بولىمشەسىن اشتى

شياڭگاڭ (گونكونگ) ق ح ر ارنايى اكىمشىلىك اۋدانىنداعى ۇلتتىق تاسىمالداۋشى وفيسىنىڭ سالتاناتتى اشىلۋ راسىمىنە ق ت ج پرەزيدەنتى اسقار ءمامين جانە ق ح ر- داعى ق ر ەلشىسى نۇرلان ەرمەكبايەۆ باستاعان قازاقستاندىق دەلەگاتسيا قاتىستى.
ا. ءماميننىڭ ايتۋىنشا، گونكونگتا وفيستىڭ اشىلۋى قازاقستاندى كولىكتىك- لوگيستيكالىق حابىنا اينالدىرۋ جانە ەلىمىزدىڭ الەۋەتىن ۇلعايتۋ مىندەتىنە بايلانىستى تۋىنداپ وتىر.
«قازاقستان جانە قىتاي كوشباسشىلارى اعىمداعى جىلعى مامىردا شاڭحايدا قىتايلىق ليانيۋنگان پورتىندا تەرمينالدىڭ العاشقى كەزەگىن ىسكە قوسقان ەدى. بۇگىن ءبىز الەمنىڭ ءىرى لوگيستيكالىق كومپانيالارى ورنالاسقان گونكونگتا كوممەرسيالىق وفيستى اشتىق» ، - دەدى ا. ءمامين.
قازىرگى ۋاقىتتا ق ح ر جۇكتەرىن قازاقستان ارقىلى ەۋروپاعا تاسىمالداۋ ەكى اپتا مەرزىمدى الادى. بۇل ۇزاقتىعى جاعىنان تەڭىز جولىمەن سالىستىرعاندا ەكى- ءۇش ەسە از. ليانيۋنگان پورتىنداعى لوگيستيكالىق تەرمينالدى ىسكە قوسۋ قازاقستاننىڭ تىنىق مۇحيت ايماعىنا شىعۋىنا جول اشادى.