ەلباسى شىعىس قازاقستان اكىمدىگىنىڭ جۇمىسىنان دا شيكىلىك تاپتى

 استانا. قازاقپارات - شىعىس قازاقستان ءتۇستى مەتالل وندىرىسىندە الدىڭعى قاتاردان كورىنۋى ءتيىس!
None
None

وسىندا جۇمىس ساپارىمەن جۇرگەن نۇرسۇلتان نازاربايەۆ تابيعي قورى باي ايماقتىڭ ءتۇستى مەتالل وندىرۋدە وگىز اياڭمەن كەلە جاتقانىن قاتاڭ سىنعا الدى.

وسكەمەندەگى بىرنەشە نىساندى ارالاپ الەۋمەتتىڭ تىنىسىنان حاباردار بولعان ەلباسى كوپشىلىكپەن كەزدەسۋ وتكىزىپ، بۇعان دەيىن دە ءار سالاعا ارنالعان تاپسىرمالارىنىڭ ورىندالماي جاتقانىنا توقتالدى.

اسىرەسە قۇرىلىسى ۇزاققا سوزىلعان دەنساۋلىق ساقتاۋ سالاسىنداعى 7 نىساننىڭ جۇمىسىنا قاتىستى سىن ايتىلدى. قان اينالىمى اۋرۋىنا شالدىققانداردىڭ سانى بويىنشا وبلىس ەلىمىزدە كوش باستاپ تۇرسا دا، جەرگىلىكتى بيلىك 6 جىل بۇرىن سالىنا باستاعان ورتالىقتىڭ قۇرىلىسىن اياقتاۋعا ءالى اسىعار ەمەس.

نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:

- مەملەكەت دەنساۋلىق ساقتاۋ سالاسىنا بەرىلەتىن قارجىنى جىل سايىن كوبەيتىپ جاتىر. بارلىق وبلىس ورتالىقتارىندا زامان تالاپتارىنا ساي ەمحانالار سالدىق. دارىگەرلەردىڭ بىلىكتىلىگىن ارتتىرۋعا دا كوپ كوڭىل بولىنۋدە. وسىعان قاراماستان، وبلىستىق قان قۇيۋ ورتالىعىنىڭ قۇرىلىسىن 6 جىل بويى اياقتاي الماي جاتىرسىڭدار.

اسەم قايراتبەك

KTK

سوڭعى جاڭالىقتار