قوستانايدا ءسابيىن اشتان ولتىرگەن رەسەيلىك ايەل جاۋاپقا تارتىلادى

استانا. قازاقپارات - قازاقستاننىڭ پروكۋرورلارى ءسابيدى اشتان ولتىرگەن رەسەيلىك ايەلدى قىلمىستىق جاۋاپكەرشىلىككە تارتادى، - دەپ حابارلايدى Tengrinews.kz ءتىلشىسى قوستاناي پروكۋراتۋراسىنا سىلتەمە جاساپ.
None
None

"قىلمىستىق ءىس قىز بالانىڭ اناسىنا قاتىستى قوزعالدى، ونىڭ تاربيە جانە بالا كۇتىمى جونىندەگى مىندەتتەمەسىن ورىنداماۋى ءسابيدىڭ قايتىس بولۋىنا اكەلىپ سوققان"، - دەلىنگەن حابارلامادا.

ەسكە سالايىق، ءبىر جارىم جاستاعى ۆالەريا ۆەلش اشتىقتان السىرەگەن كۇيىندە اۋرۋحاناعا جاتقىزىلعان بولاتىن. دارىگەرلەر ءسابيدى بىردەن جان ساقتاۋ بولىمىنە جاتقىزدى، ويتكەنى ودان ۋلى نەفريت، بۇيرەك جەتكىلىكسىزدىگى جانە مي ءىسىنۋى انىقتالدى. الايدا ءسابي ءومىرىن قۇتقارۋ مۇمكىن بولمادى.

ۋچاسكەلىك دارىگەرلەر قالالىق ءبىلىم ءبولىمىنىڭ بالالار قۇقىقتارىن قورعاۋ جونىندەگى سەكتورىنا جاعدايى قيىن وتباسى تۋرالى وتكەن جىلدىڭ قاراشا ايىندا حابار بەرگەن.

شەنەۋنىكتەر وتباسىنىڭ تىرشىلىگىمەن تانىسقان، ءبىراق بۇل ۇيدەگى بالالاردىڭ جاعدايى الاڭداۋشىلىق تۋعىزبايدى دەپ ەسەپتەگەن. ءسابيدىڭ اناسى - رەسەي ازاماتى، ءبىراق جەكە باسىن كۋالاندىراتىن ەشقانداي قۇجاتى جوق.

سوڭعى جاڭالىقتار