شي جينپيڭ: قازاقستان پرەزيدەنتى نۇرسۇلتان نازاربايەۆپەن جاقىن دوسپىز

بەيجىڭ. قازاقپارات - ق ح ر ءتوراعاسى شي جينپيڭ بەيجىڭدە حالىق جينالىستارى ۇيىندە نازاربايەۆ ۋنيۆەرسيتەتىنىڭ ستۋدەنتتەرى جانە وقىتۋشىلارىمەن كەزدەستى.

قىتاي كوشباسشىسى قازاقستانعا وتكەن جىلى كەلگەن ساپارى بارىسىندا نازاربايەۆ ۋنيۆەرسيتەتىنىڭ 200 ستۋدەنتى مەن وقىتۋشىلارىن قىتايدىڭ جازعى لاگەرىنە دەمالۋعا شاقىرعانىن ايتتى. «بۇگىن سىزدەردى وسى جەردە كورىپ تۇرعانىما قۋانىشتىمىن» ، - دەپ اتاپ ءوتتى شي جينپيڭ.

شي جينپيڭ قىتاي مەن قازاقستان تۋىستاس كورشىلەر، ەكى ەل اراسىندا تابيعي جاقىندىق بار دەپ اتاپ ءوتتى.

 «2000 جىل بۇرىن ەجەلگى جىبەك جولى ءبىزدىڭ ەلدەردى بايلانىستىرعان. قازاقستان پرەزيدەنتى نۇرسۇلتان نازاربايەۆپەن جاقىن دوسپىز، ەكى ەل اراسىنداعى تىعىز بايلانىستى، اقپارات الماسۋدى قولدايمىز، ونىڭ بارىسىندا ەكى جاقتى قاتىناستاردى دامىتۋعا، ىنتىماقتاستىقتى، ەكى ەل حالقى اراسىنداعى دوستىقتى نىعايتۋعا ىقپال ەتۋ ماسەلەلەرىن تالقىلايمىز.

وسى ساپار بارىسىندا قىتايدى جاقىنىراق تانيسىڭدار دەپ ۇمىتتەنەمىن. ەل جايىندا تاماشا ەستەلىك الىپ قايتاسىڭدار. قازاقستان مەن قىتاي اراسىنداعى كەلەشەكتەگى دوستىق قارىم- قاتىناستى جالعاستىرۋشى بولاتىندارىڭا سەنەمىن» ، - دەپ تۇيىندەدى شي جينپيڭ