اسا ۋلى جىلان قويماسى تابىلدى

استانا. قازاقپارات - الماتى وبلىسىندا شارۋا قوجالىقتارىنىڭ بىرىنەن 300 دەن اسا ۋلى جىلان تابىلدى.
None
None

پروكۋرورلار توعىزىنان وزگەسى - ءتىرى، ۋلى جاندىكتەردەن تۇراتىن جىلاندار قويماسىنىڭ "م د س ن" مەكەمەسىنە تيەسىلى ەكەنىن انىقتادى. ارتىنان بەلگىلى بولعانداي، اتالعان كاسىپورىن " قىزىل كىتاپقا" ەنگەن جاندىكتەردىڭ ۋىن جيناۋمەن اينالىسىپ كەلگەن كورىنەدى.

وردالى جىلاننىڭ ۋىتتى ۋىن، كاسىپورىن زاڭسىز قانداي ماقساتتا پايدالانباق بولعانىن يرينا سوۆەتجان قىزى ءتۇسىنىپ كوردى.

ۋلى جىلانداردىڭ زەرتحانالىق وشاعىن الدىمەن وبلىستىق ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى تاپقان. الايدا، قىلمىستىق قۇرامنىڭ جوقتىعىنا بايلانىستى، قىلمىستىق ءىس توقتاتىلعان.

باۋىرجان كەنجەبەك ۇلى، پروكۋرور كومەكشىسى:

بۇل ىسپەن تانىسا كەلە، اۋدان پروكۋرورلارى، زوولوگيا ينستيتۋتىنا ارنايى ساۋال-حات جىبەردى. ناتيجەسىندە، اتالعان جىلانداردىڭ جوعالىپ كەتۋدىڭ الدىندا تۇرعان جانە "قىزىل كىتاپقا" ەنگەنى بەلگىلى بولدى.

زوولوگيا ينستيتۋتى ماماندارى بەرگەن قورىتىندىدا، ۋلى جاندىكتەردىڭ 300 دەيىنىڭ - گيۋرزا، ون شاقتىسىنىڭ - ورتا ازيا كوبراسى ەكەنى بەلگىلى بولعان. ۋى - اسا ۋىتتى ءابجىلانداردىڭ سيرەك كەزدەسەتىن بۇل تۇرلەرى ءبىزدىڭ ەلدە ايرىقشا قورعاۋعا الىنعان.

باۋىرجان كەنجەبەك ۇلى، پروكۋرور كومەكشىسى:

ق ر قىلمىستىق كودەكسىنىڭ 290-بابى بويىنشا، قىلمىستىق ءىس قايتا قوزعالدى. قازىر تەرگەۋ جۇمىستارى جۇرگىزىلىپ جاتىر.

سونداي-اق، ءابجىلانداردى اسپەتتەپ، ايرىقشا كۇتىمگە العان قوجايىن كومپانيانىڭ دا اتى بەلگىلى بولدى. قاراساي اۋدانىنداعى "بەرەكە" اۋىلىنىڭ جانىنداعى شارۋا قوجالىعىنان تابىلعان ۋلى جاندىكتەردىڭ - «م د س ن» جاۋاپكەرشىلىگى شەكتەۋلى سەرىكتەستىگىنە تيەسىلى ەكەنى انىقتالدى.

يرينا سوۆەتجان قىزى، ءتىلشى:

سونداي-اق، پروكۋرورلار جىلانداردىڭ كۇتىمىنە جاۋاپتى قىزمەتكەردەن ەكى شولمەك ۋعا قارسى ءدارىنى تاركىلەگەن. جانە قاداعالاۋشى ورگان الماتى وبلىستىق ءى ءى د-نە اتالعان مەكەمەنىڭ ۇستىنەن قىلمىستىق ءىس قوزعاۋ تۋرالى قاۋلى جىبەردى.

ءبىراق بۇل مەكەمەنىڭ بۇل ارەكەتپەن قانشالىقتى زاڭسىز جانە قاساقانا اينالىسىپ جۇرگەنى، الدە جۇرمەگەنى ازىرگە بەلگىسىز. ويتكەنى، تەرگەۋ جۇمىستارىنىڭ جۇرگىزىلىپ جاتقانىنا بايلانىستى، پروكۋرورلار كەيبىر مالىمەتتەردى اشىق ايتپاي وتىر.

«KTK»  تەلەارناسى

سوڭعى جاڭالىقتار