ارزان ءۇي الىڭىز

استانا. قازاقپارات - ا ق ش-تىڭ بانكروتقا ۇشىراعان دەترويت قالاسى باتىس جارتىشارداعى ەڭ ارزان قالا اتاندى.

مۇندا باسپانانى نەبارى 1000 دوللارعا ساتىپ الۋعا بولادى.

The Telegraph گازەتىنىڭ حابارلاۋىنشا، 2014 - جىلى بانكروت دەپ جاريالانعان امەريكالىق اۆتوونەركاسىپ ورتالىعىندا ۇيلەردىڭ باعاسى ونداعان ەسەگە ارزانداپ كەتكەن.

قالتاڭىزدا 1000 دوللار بولسا دەترويتتان باسپانا الۋعا بولادى دەپ جازادى اتالعان باسىلىم.

جەرگىلىكتى تۇرعىندار تۇراقتى جۇمىس بولماعاندىقتان دەترويتتان كوشىپ كەتىپ قالعان. دەگەنمەن، ءوز ۇيلەرىنەن قانداي دا ءبىر پايدا كورۋ ءۇشىن ولار جىلجىمايتىن مۇلىكتى وتكەن باعاسىنا ساتۋدا.

ماسەلەن، بۇرىن 2 جاتىن بولمەسى بار ءۇي 70 مىڭ دوللارعا باعالانعان بولسا، قازىر ونىڭ قۇنى 12 ەسەگە ارزانداپ كەتىپتى، ياعني 1000 دوللار. سونىڭ وزىندە ساتىپ الۋشىلار جوق دەيدى ءۇي يەلەرى.

ءبىراق جاسىراتىنى جوق، مۇنداي ارزان ۇيلەر ءاۋ باستا تاستاندى بولعاندىقتان بىرنەشە ۋاقىت قارالماي قالعان. سونىڭ سالدارىنان ەسىك-تەرەزەلەرى ۇرلانىپ، اۋلاسى دا قوقىسقا تولىپ قالىپتى. ال، كۇتىمى جاقسى باسپانانىڭ باعاسى بۇدان ءسال قىمباتىراق.

Baq.kz